Biłbord ź Niaklajevym nie pravisieŭ u centry Minska navat pałovy dnia FOTAFAKT
Ranicaj na praśpiekcie Niezaležnaści źjavilisia rekłamnyja siciboksy z Uładzimiram Niaklajevym i Jurasiom Žyhamontam, inicyjavanyja kampanijaj Symbal.by.
Kala 17 hadziny biłbordy źniali i paviesili zamiest ich rekłamu kramy, jakaja visieła na tych miescach raniej.
Rekłamnaja ahiencyja patłumačyła heta tym, što «patelefanavali z vysokich orhanaŭ», aburalisia, jak mahła rekłama ź Niaklajevym źjavicca ŭ horadzie i nakazali terminova źniać abodva płakaty.
Los siciboksaŭ ź Mielicinaj Staniutaj i Lavonam Volskim, jakija musili źjavicca 5 vieraśnia, vyrašycca najbližejšym časam. Voś makiety zapłanavanych biłbordaŭ:
«Ideja akcyi była ŭ tym, kab pryŭnieści na vulicy Minska niešta dobraje-śvietłaje, uźniać nastroj minakam. Płanavałasia raspačać vialikuju kampaniju «Dobryja słovy». Biłbordy — heta tolki pieršy krok u hetaj kampanii, dalej my płanujem zładzić fłešmob u sacsietkach, dzie ludzi buduć pisać na svaich staronkach štości pazityŭnaje svaim siabram ci kamu zaŭhodna i paznačać dopisy chešteham #dobryjasłovy. Taksama płanavałasia źniać admysłovy videarolik i inšyja akcyi. Škada, viadoma, što zvonku nam uvieś čas stvarajuć pieraškody, ale my nie budziem spyniacca na hetym šlachu i spadziajemsia, što ludzi nas padtrymajuć», — padzialiŭsia płanami kiraŭnik Symbal.by Pavieł Biełavus.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač34
Kamientary