«U nas atrymałasia jak u baćkoŭ, ale jak u muža i žonki — nie». Madelka Volha Nikifarava raźviałasia z šoumenam Arciomam Rybakinym
Volha Nikifarava paviedamiła ŭ instahramie pra svoj razvod.
«Časam zdarajecca, što dva čałavieki pavinny sustrecca, kab zrabić niešta vydatnaje. Tak zdaryłasia kaliści z nami. My sustrelisia z Arciomam i na śviet źjaviłasia Jeva. Naš cud i samaje lepšaje, što zdaryłasia ŭ našym žyćci. Jak u maci i taty ŭ nas atrymałasia, jak u muža i žonki — nie. Tak byvaje. Prajšoŭšy składany etap nierazumieńnia, kryŭd, my ŭsio ž znajšli ŭ sabie siły zastacca ŭ dobrych stasunkach dziela našaj dački i z pavahi adzin da adnaho i ŭsiaho dobraha, što pamiž nami było za hady sumiesnaha žyćcia. My daŭno pastavili kropku ŭ našych adnosinach i adpuścili adzin adnaho, kab stać pa-sapraŭdnamu ščaślivymi», — napisała Volha.
Para ažaniłasia ŭ 2014 hodzie. Na toj momant Volha ŭžo była viadomaja jaje madel, jakaja mieła tytuły «Mis Viasna» (2010 hod), a taksama «Mis talent» na konkursie «Mis Biełaruś» u 2012 hodzie. Volha źjaŭlajecca tvaram mnohich rekłamnych brendaŭ, a taksama sprabuje svaje siły ŭ jakaści televiadučaj: tak, jana viała prajekt «Ranica na muzie» na BiełMuzTB, a taksama šou «Viasielle biez bajana». Arciom u svoj čas staŭ viadomy dziakujučy pravakacyjnym šou na jutubie kštałtu «Haŭno pytańnie» i «Kłubny štrych». Siońnia jon kiruje ŭłasnaj kampanijaj pa vytvorčaści videa Rybaking production.
Viasielle zornaj pary.
Nazvana data prezidenckich vybaraŭ: až na paŭhoda raniej za mahčymy termin9
Kamientary