Prezident Ekvadora Lenin Marena zaklikaŭ svajho vieniesuelskaha kalehu Nikałasa Maduru pryznać, što kryzis u hetaj paŭdniovaamierykanskaj krainie — realnaść, a nie vydumka z boku jaho palityčnych praciŭnikaŭ. Takuju zajavu kiraŭnik dziaržavy zrabiŭ u sieradu ŭ intervju telekampanii CNN paśla ŭdziełu ŭ 73-j siesii Hienasamblei AAN, paviedamlaje TASS.
«Ja chaču padkreślić nieabchodnaść paprasić prezidenta Maduru i jaho ŭrad uśviadomić realnaść. Treba pierastać havaryć, što [biahučaja situacyja] źviazanaja z palityčnymi supiernikami, z taktykaj manipulacyi z boku [inšych] uradaŭ. Nie, isnuje surjozny palityčny kryzis, surjozny sacyjalny kryzis», — skazaŭ Marena.
U apošnija hady Vieniesueła sutyknułasia z hipierinflacyjaj, devalvacyjaj nacyjanalnaj valuty i deficytam tavaraŭ pieršaj nieabchodnaści i lekaŭ. Ciažkaja situacyja zmušaje šmatlikich žycharoŭ krainy pakidać radzimu. Pavodle apošnich dadzienych AAN, z krainy źjechali kala 2,3 młn čałaviek, u asnoŭnym u Kałumbiju, Ekvador, Pieru i Braziliju.
Ułady Vieniesueły admaŭlajuć najaŭnaść humanitarnaha kryzisu ŭ krainie. Na dumku vykanaŭčaha vice-prezidenta respubliki Delsi Radryhies, havorka idzie pra «narmalnyja mihracyjnyja płyni».
Ciapier čytajuć
U centry Minska tajamniča źnikła dačka dyrektara bujnoha ahrakompleksu5
Kamientary