Čarhovaje 49-je pasiadžeńnie Mižbankaŭskaj valutnaj Rady Centrabanka Rasii i Nacbanka Biełarusi prajšło ŭ subotu ŭ Hroznym, paviedamlaje tut.by sa spasyłkaj na miascovyja ŚMI.
Napiaredadni, u piatnicu ŭviečary, Elvira Nabiulina i Pavieł Kałaŭr razam z udzielnikami narady zrabili vialikuju ekskursiju pa Hroznym. Hości pabyvali ŭ miačeci «Serca Čačni» imia Achmat-Chadžy Kadyrava, pravasłaŭnym Chramie Michała Archanioła, prahulalisia pa parkach i praśpiektach.
— Ja vykazaŭ udziačnaść Elviry Nabiulinaj i Paŭłu Kałaŭru za vybar Hroznaha dla takoha važnaha forumu, — adznačyŭ kiraŭnik Čačni Ramzan Kadyraŭ.
Kiraŭnik Nacbanka zajaviŭ, što «pad uražańniem ad prahułki pa Hroznym». Jon adznačyŭ, što ŭ Biełarusi prajaŭlajuć vialikuju cikavaść da Čačni i da jaje inviestycyjnych prajektaŭ.
Pa vynikach Rady baki padpisali Pahadnieńnie ab uzajemadziejańni Nacyjanalnaha banka Respubliki Biełaruś i Centralnaha banka Rasijskaj Fiederacyi pa pytańni procidziejańnia kampjutarnym napadam. Jak paviedamiła pres-słužba Nacbanka, pahadnieńnie vyznačaje asnoŭnyja formy i paradak dvuchbakovaha ŭzajemadziejańnia pa pytańniach papiaredžańnia, vyjaŭleńnia i spynieńnia kampjutarnych napadaŭ i nakiravana na pavyšeńnie ŭzroŭniu infarmacyjnaj biaśpieki centralnych bankaŭ Biełarusi i Rasii.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»2
Kamientary