Ničoha tajemnaha ŭ pajezdcy ŭ Haahu rasijskich śpiecyjalistaŭ, jakich Niderłandy abviaścili supracoŭnikami HRU, nie było, zajaviŭ kiraŭnik MZS Rasii Siarhiej Łaŭroŭ.
«Heta była rucinnaja pajezdka, jany nie chavalisia, ni kali zasialilisia ŭ hatel, ni kali prylacieli ŭ aeraport, ni kali naviedvali naša pasolstva», — zajaviŭ Łaŭroŭ na pres-kanfierencyi paśla pieramovaŭ z kiraŭnikom MZS Italii, paviedamlaje interfax.ru
Kiraŭnik rasijskaha MZS taksama padkreśliŭ, što rasijanaŭ ź Niderłandaŭ nichto nie vysyłaŭ i pratestaŭ Rasii nie pradjaŭlaŭ. «Ich prosta paprasili źjechać», — skazaŭ Łaŭroŭ, dadaŭšy, što toje, što adbyłosia, vyhladała «jak nieparazumieńnie».
Łaŭroŭ taksama padkreśliŭ, što Niderłandy nie dali «ni faktaŭ, ni materyjałaŭ» u suviazi z abvinavačvańniami rasijanaŭ u sprobie chakierskaj ataki.
«Ja dumaju, što my čarhovy raz majem prykład «miehafonnaj dypłamatyi», majem prykład pahardžeńnia pravavymi miechanizmami», — zajaviŭ kiraŭnik MZS Rasii.
Kamientary