U Słucku žanich pa darozie ŭ ZAHS sutyknuŭsia ź milicyjantam — i paskakaŭ na jaho mašynie VIDEA
Vypadak adbyŭsia ŭ Słucku ŭ piatnicu, 19 kastryčnika. Na videa, jakoje apublikavaŭ kurjer.info, patrapiła sutyknieńnie mašyny viasielnaha karteža i inšaha aŭtamabila na vulicy Vilenskaj, abodva ruchalisia ŭ adnym kirunku.
Žanich jechaŭ u BMW. Kiroŭca hetaj mašyny rušyŭ ź levaj pałasy ŭ pravuju. Pa toj ža pałasie na vysokaj chutkaści jechała mašyna Saab.Pa viersii DAI, BMW nie sastupiŭ darohu aŭtamabilu Saab supracoŭnika milicyi.
U vyniku žanich, jaki znachodziŭsia na pasažyrskim siadzieńni ŭ mašynie karteža i jechaŭ u ZAHS na rośpis, straciŭ samakantrol, vyjšaŭ z aŭtamabila i paskakaŭ pa aŭtamabili Saab supracoŭnika milicyi, paškodziŭšy pry hetym kapot, dach i łabavoje škło (paškodžańni apisany pa słovach vidavočcaŭ), pieradaje slutsk-gorod.by. Ź ludziej nichto nie paciarpieŭ.
Na hetym kanflikt byŭ vyčarpany, kiroŭca BMW i žanich svaju vinu pryznali. Pa fakcie DTZ — administracyjny pratakoł, pa fakcie paškodžańnia aŭtamabila — kryminalnaja sprava pa artykule «chulihanstva».
Abodva kiroŭcy ćviarozyja. Nichto nie paciarpieŭ.
Pra abstaviny zdareńnia ŭ hazietu «Kurjer» paviedamiŭ adzin z čytačoŭ, jon ža padzialiŭsia zapisam ź videarehistratara. Mužčyna pažadaŭ nie nazyvać svajo imia.
Pa fakcie zdareńnia pravodzicca pravierka.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary