Top-8 dziciačych stylovych vobrazaŭ ź biełaruskim abutkam FOTY
Mała prosta trymać nohi ŭ ciaple. Važna, kab jany byli ŭ suchaści, dychali i nie mulali. Usio heta — zadačy dobraha abutku, jaki (nas zaŭsiody tak vučyli) nie moža kaštavać tanna. Ale addavać vialikija hrošy za rečy, ź jakich dzicia vielmi chutka vyraście, — tak sabie sprava. Razam z kampanijaj Shagovita pasprabujem raźviančać mif pra toje, što dobry abutak — heta abaviazkova doraha, i padbiarom 8 vobrazaŭ dla roznych situacyj.
Niadaŭna z artapiedam my raskazvali, jak nie (!) treba abirać abutak dzietkam, kali vy chočacie, kab ich stupni farmiravalisia pravilna. Spadziajomsia, vy zapomnili hetyja praviły i budziecie kiravacca imi, kali vyrašycie abnavić abutkovy harderob.
Jarki varyjant dla šmatkiłamietrovych vosieńska-zimovych špacyraŭ. Źviarnicie ŭvahu na šyrokuju častku naska: jon dazvalaje palcam zastavacca ŭ naturalnym stanoviščy. Heta značyć, što varyjant «Mama, ja stamiŭsia, u mianie balać nohi, ja chaču na ručki» — vyklučany.
Elemienty military i siońnia ŭ trendzie, tamu hety varyjant adznačać usie patencyjnyja modniki. Bonus: zručnyja zaściežki i padnasok, jaki zabiaśpiečvaje nadziejnuju abaronu ad udaraŭ, kali dzicia spatykniecca.
Padobnyja madeli aktualnyja dla pieršych zamarazkaŭ: padešva z termapłastykavaj humy daje dadatkovuju ŭstojlivaść na ślizkich pavierchniach.
Što tyčycca abcasaŭ, to jany tut nie prosta dla pryhažości ci abarony padešvy. Śpiecyjalny artapiedyčny abcas Tomasa raźmiarkoŭvaje nahruzku pravilna i tym samym źnižaje stamlalnaść noh.
U adroźnieńnie ad darosłaha abutku, koleravaja hama dziciačaha kudy bolš viasiołaja i žyćciaradasnaja — i heta zdorava! Voś hetyja jarkija čyrvonyja čaraviki ŭ harošak abaviazkova znojduć vodhuk u sercy kožnaj maleńkaj pryncesy.
Toj varyjant, kali źniešni vyhlad nie adstaje ad «načynki»: hidrafobny nubuk (heta kali skura pramočvajecca śpiecyjalnym rečyvam na alejnaj asnovie) adšturchoŭvaje brud i vadu, «dychaje» i vydatna ŭtrymlivaje ciapło. Nie bojciesia za svaich dziaciej u takich čaravikach u doždž: niehłybokija łužy ŭ ich možna navat nie abychodzić.
Jak vy dumali, čamu ŭ tak zvanych u narodzie «ducikach» u chałady z zadavalnieńniem chodziać i dvorniki, i piensijaniery? Mała taho, što jany supierkamfortnyja i lohkija, jany sapraŭdy vydatna hrejuć nohi.
Vierch hetaj pary zrobleny z naturalnaj skury i tekstylu z asablivym pakryćciom, jakoje nie daje vadzie pratačycca ŭnutr. Marozaŭstojlivaja padešva z hłybokim zimovym pratektaram daje ŭstojlivaść navat na samym ślizkim katku. Nu, a ŭnutry nohi čakajuć padkładka i ściłka z naturalnaj aviečaj voŭny.
Lubimaja ŭsimi kłasika, jakaja pasuje absalutna pad luby aficyjny vobraz. Razynku hetaj pary dadaje lehkadumny bancik.
Plusy jość i ŭ zalipach, jakija dazvalajuć chutka zamianić zimovy ci vosieński abutak na hetuju źmienku. Što tyčycca vysokaha zadnika, to jon tut nie prosta tak, a kab zabiaśpiečyć ustojlivaje i pravilnaje pałažeńnie stupni.
Kłasika ŭ sučasnym vykanańni. Paŭbociki sa śpiecyjalnaj abaronaj ad drapin na nasku — prosta mara luboha baćki, jaki vychoŭvaje žeŭžyka. Z hetaj paraj možna być upeŭnienym, što vyhlad abutku zachavacca bolš, čym na paru dzion. Bonus: anatamična pravilnaja vuściłka, jakaje nie daje raźvicca płoskastupniovaści, a heta — sapraŭdny bič sučasnaha pakaleńnia.
U luboj dziaŭčynki pavinny być asablivyja tufli dla samych važnych padziej. Hetaja para daje mahčymaść kožnaj maleńkaj łedzi adčuć siabie pryncesaj. Nie źviartajcie ŭvahu na bieły koler, jaki ŭ nas čamuści pryniata ličyć niepraktyčnym: u hetaj madeli taksama jość śpiecyjalnaje abarončaje pakryćcio.
*Usie madeli jość roznych pamieraŭ asartymient Shagovita praduhledžvaje jak abutak dla samych maleńkich z 19-m pamieram nahi, tak i pary dla tych, chto nosić 40-y.
ZAT «Handlovy dom «ŠahaVita», UNP 191296115
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary