Siońnia premjer Siarhiej Rumas pravioŭ pracoŭnuju naradu pa zarobkach u krainie. Nahadajem, siaredni zarobak biełarusaŭ u vieraśni źmienšyŭsia amal na 24 rubli i skłaŭ 964 rubli.
«Padzieńnie vyručki z pryčyny vahańniaŭ kursu rasijskaha rubla nie dazvoliła mnohim pradpryjemstvam padtrymać isnujučy ŭzrovień apłaty pracy. Siaredni zarobak u realnym siektary ekanomiki skłaŭ 1032 rubli, choć i źniziŭsia da ŭzroŭniu žniŭnia», — padkreśliŭ Siarhiej Rumas.
Jon źviarnuŭ asablivuju ŭvahu, što ŭzrovień apłaty pracy ŭ biudžetnym siektary pavialičyŭsia na 3,5% i dasiahnuŭ 746 rubloŭ. Pavodle jaho słoŭ, heta krychu nižej za prahnoz. I ŭ vyniku taki rost nie zmoh całkam kampiensavać źnižeńnie zarpłaty ŭ realnym siektary ekanomiki.
«Značnyja adchileńni ŭ asobnych abłaściach i ministerstvach pakazvajuć, što nie dla ŭsich orhanaŭ dziaržaŭnaha kiravańnia metavaja zadača pa siaredniaj zarpłacie źjaŭlajecca pryjarytetnaj», — adznačyŭ Rumas.
Kamientary