Сёння прэм'ер Сяргей Румас правёў працоўную нараду па заробках у краіне. Нагадаем, сярэдні заробак беларусаў у верасні зменшыўся амаль на 24 рублі і склаў 964 рублі.
«Падзенне выручкі з прычыны ваганняў курсу расійскага рубля не дазволіла многім прадпрыемствам падтрымаць існуючы ўзровень аплаты працы. Сярэдні заробак у рэальным сектары эканомікі склаў 1032 рублі, хоць і знізіўся да ўзроўню жніўня», — падкрэсліў Сяргей Румас.
Ён звярнуў асаблівую ўвагу, што ўзровень аплаты працы ў бюджэтным сектары павялічыўся на 3,5% і дасягнуў 746 рублёў. Паводле яго слоў, гэта крыху ніжэй за прагноз. І ў выніку такі рост не змог цалкам кампенсаваць зніжэнне зарплаты ў рэальным сектары эканомікі.
«Значныя адхіленні ў асобных абласцях і міністэрствах паказваюць, што не для ўсіх органаў дзяржаўнага кіравання мэтавая задача па сярэдняй зарплаце з'яўляецца прыярытэтнай», — адзначыў Румас.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі5
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары