Čaho kryvić dušoj, mienavita na niespryjalnaje dla hišpancaŭ nadvorje my i raźličvali. Nia tak užo i časta madrydcam davodzicca hulać pry minusavaj temperatury. Zrešty, jak pakazaŭ matč, padobnyja spadziavańni byli dosyć naiŭnymi. Repartaž z matču BATE - «Reał» Źmitra Pankaŭca.
Idučy na stadyjon, ja ŭspomniŭ, što napačatku suverenitetu ŭ našych šyrotach užo byŭ adzin letucieńnik, hałoŭny trener staradaroskaha «Budaŭnika» Alaksandar Žukaviec, jaki abiacaŭ pryvieści ŭ Biełaruś madrydzki «Reał».
Tady heta padavałasia fantastykaj. Ale prajšło ŭsiaho 15 hadoŭ, jak inšy pravincyjny letucieńnik barysaviec Anatol Kapski, ździejśniŭ maru svajho papiarednika. Što praŭda, samy tytulavany klub śvietu nie pryjechaŭ u Barysaŭ, ale i ŭbačyć jaho ŭ Miensku jašče toj padarunak.
Pierad pačatkam hulni razmaŭlaŭ z redaktaram «Salidarnaści» Alaksandram Starykievičam, jaki na majo pytańnie pra šancy našych iranična zaznačyŭ: «Lod pakaža».
Čaho kryvić dušoj, mienavita na niespryjalnaje dla hišpancaŭ nadvorje my i raźličvali. Nia tak užo i časta madrydcam davodzicca hulać pry minusavaj temperatury.
Zrešty, jak pakazaŭ matč, padobnyja spadziavańni byli dosyć naiŭnymi.
Jašče tolki zachodziačy na «Dynama» źviarnuŭ uvahu, što čerhi nie takija vialikija, jak byli minułymi razami. Uźnikła padazreńnie, što marazoŭ mahli spałochacca nia tolki ciepłalubivyja hišpancy, ale i tutejšyja zaŭziatary. Na ščaście, volnych miescaŭ na stadyjonie amal nie było. Apošni akord mienskaj vosieni u balelščyckim vykanańni prahučaŭ hodna. Pierad pačatkam hulni ŭsie trybuny imhnienna pierafarbavalisia ŭ žoŭty i sini kolery. Vidovišča ŭražvała.
A na fanackim sektary źjavilisia partrety hulcoŭ i treneraŭ. Raniej takoha jašče nie było.
U pačatku matču było vidavočna, što BATE chacieŭ paŭtaryć blickryh, jaki atrymaŭsia padčas hulni ź «Juventusam». Zapomniłasia, jak na pieršych chvilinach napadnik Vital Radzivonaŭ zaklikaŭ svaich partneraŭ presinhavać «Reał» na jahonaj pałovie pola. BATE byŭ nastrojeny pa‑bajavomu.
Tolki ŭžo litaralna praź paru imhnieńniaŭ adbyłasia trahiedyja la varot Vieramka. Jurevič nie daciahnuŭsia da flanhavaj pieradačy i Raŭl zastaŭsia adzin na adzin u štrafnoj placoŭcy z našym bramnikam. Čałaviek‑epocha Raŭl takich pamyłak supiernikam nie daruje. Jon dakładna nakiravaŭ miač pad barysaŭskuju pierakładzinu. Heta adbyłosia ŭžo na siomaj chvilinie.
Ščaściu impulsiŭnych hišpanskich kamentataraŭ nie było miažy. Napeŭna, słova «Hooooooooł» jany kryčali nia mienš, čym chvilinu kožny. Voś i zadumajeśsia paśla hetaha pra ŭzrovień našych majstroŭ słova, pad kamentar jakich časam chočacca zasnuć.
U futbole niama ničoha bolš niepradkazalnaha, čym hulnia paśla chutkaha hołu. Nikoli nie ŭhadaješ čym heta moža skončycca dla abodvuch bakoŭ.
Było dobra bačna, što «Reał» — heta najmacniejšy klub, jaki stupaŭ na stadyjon «Dynama» sioleta. Jašče b — u składzie madrydcaŭ byli Ikier Kasiljas, Raŭl Hansales, Sierchyjo Ramas, Chaŭjer Savijoła, Huci, Rafael van der Vaart. Ale BATE ŭžo nieadnakroć dakazvaŭ, što ŭ futboł hulajuć nie imiony.
Našy mieli šancy, kab zabić. Niamnoha, ale jany byli.«Reał» taksama moh rabić lik bolšym, ale vyratoŭvali abaroncy, jaki pa‑chakiejnamu, usim ciełam, kłalisia pad udary, a taksama Vieramko. «Reał» tak i pieramoh ź minimalnym likam — 1:0.
BATE zastajecca pravieści adziny matč u hrupavym etapie — 10 śniežnia ŭ Turynie jany syhrajuć ź «Juventusam». Heta ŭ hulnia dla turnirnych perspektyŭ barysaŭcaŭ užo ničoha nia značyć.
Jak by nam ni sumna było heta ŭśviedamlać, ale mienskaja futbolnaja vosień skončyłasia.
Napeŭna, lišnie kazać, što dziakujučy BATE cikavaść da futbołu ŭ krainie ŭzrasła ŭ dziesiatki razoŭ. Ludzi sutkami byli hatovyja stajać la kasaŭ stadyjonu, kab patrapić na hulniu,a ŭ pošukach «lišniaha bilecika» byli hatovyja vykładvać šalonyja hrošy. Napeŭna, źjavilisia pryrosty ŭ naborach dziciačych futbolnych škoł. Kamu z małych nia chočacca być padobnym na Hienu Bliźniuka ci Ihara Stasieviča?
Chočacca, kab heta nia byŭ kaniec biełaruskaj futbolnaj lichamanki, kab jana pierakačavała ŭ nastupny hod, kab na matčy ŭnutranaha čempijanatu chadziła nie niaščasnaja tysiača amataraŭ. Adnaho lakalnaha pośpiechu BATE dla takoha praryvu jašče mała, ale jon pakidaje nadzieju. My narešcie zajmieli kamandu za jakuju nia soramna.
Kamientary