U Hatavie pad Minskam žančyna paraniła muža nažom padčas śviatkavańnia hadaviny viasiella. Pra heta paviedamlaje minskaja abłasnaja milicyja.
Žychar Hatava byŭ dastaŭleny ŭ balnicu ź ciažkimi cialesnymi paškodžańniami 28 kastryčnika. Miedyki kanstatavali ŭ 37-hadovaha mužčyny pranikalnaje nažavoje ranieńnie paduzdyšnaj vobłaści i ałkaholnaje apjanieńnie. «Paciarpieły sprabavaŭ pierakanać apieratyŭnikaŭ, što na jaho napali nieznajomcy ŭ zavułku. Pry hetym mužčyna kazaŭ, što ni adnaho ź ich nie zapomniŭ i nie moža apisać prykmiety. Adnak u supracoŭnikaŭ milicyi ŭźnikli padazreńni. Pry apytańni śviedak i praviadzieńni apieratyŭna-vyšukovych mierapryjemstvaŭ vyśvietliłasia, što jon chłusić», — raspavioŭ načalnik adździeła kryminalnaha vyšuku Minskaha RUUS Andrej Joda.
U dzień ździajśnieńnia złačynstva muž i žonka adznačali 18-hodździe z dnia ŭtvareńnia ich aficyjnaha siamiejnaha sajuza. Śviatkavańnie nie abyšłosia biez ałkaholu. Pamiž mužam i žonkaj paŭstaŭ kanflikt, jaki pieraros u surjoznuju svarku. «Paśla incydentu para i nie dumała vyklikać miedycynskuju dapamohu. Sumiesnymi namahańniami jany sprabavali spynić kryvaciok. Adnak źviarnucca pa dapamohu ŭsio ž pryjšłosia, tamu była prydumanaja historyja pra chulihanaŭ, jakija nibyta biespadstaŭna napali na mužčynu», — adznačyŭ Andrej Joda.
Paciarpieły znachodzicca ŭ balnicy ŭ zdavalniajučym stanie, jaho žyćciu i zdaroŭju ničoha nie pahražaje. A ŭ dačynieńni da jaho žonki ŭzbudžanaja kryminalnaja sprava pa č.1 art.147 KK (naŭmysnaje pryčynieńnie ciažkaha cialesnaha paškodžańnia). Jaho sankcyja praduhledžvaje pazbaŭleńnie voli terminam da 8 hadoŭ. Pravodzicca rasśledavańnie.
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary