Na čyhunačnym pierahonie Malkavičy-Hancavičy zahinuŭ vaśmikłaśnik, paviedamiŭ BiełTA aficyjny pradstaŭnik MUS Alaksandr Marčanka. Niaščasny vypadak adbyŭsia 31 kastryčnika prykładna ŭ 19.52.
Małady čałaviek pierachodziŭ puci pa-za piešachodnym pierachodam i trapiŭ pad tavarny ciahnik. Jon nie reahavaŭ na hukavyja sihnały, jakija padavaŭ mašynist.
Paciarpiełaha špitalizavali ŭ reanimacyjnaje adździaleńnie rajonnaj balnicy z adkrytaj čerapna-mazhavoj traŭmaj i pierałomami. Niahledziačy na namahańni lekaraŭ, padletak u 23.00 pamior.
«Milicyja vyśvietliła asobu zahinułaha - heta 13-hadovy vaśmikłaśnik, jaki pražyvaŭ u Hancavičach. Miascovy RASK pravodzić dalejšuju pravierku», - paviedamiŭ Alaksandr Marčanka.
Sastaŭ zatrymaŭsia na 30 chvilin, hrafik ruchu ciahnikoŭ parušany nie byŭ. Ad pačatku hoda na čyhuncy Biełarusi adbyłosia 98 niaščasnych vypadkaŭ.
Kamientary