На чыгуначным перагоне Малькавічы-Ганцавічы загінуў васьмікласнік, паведаміў БелТА афіцыйны прадстаўнік МУС Аляксандр Марчанка. Няшчасны выпадак адбыўся 31 кастрычніка прыкладна ў 19.52.
Малады чалавек пераходзіў пуці па-за пешаходным пераходам і трапіў пад таварны цягнік. Ён не рэагаваў на гукавыя сігналы, якія падаваў машыніст.
Пацярпелага шпіталізавалі ў рэанімацыйнае аддзяленне раённай бальніцы з адкрытай чэрапна-мазгавой траўмай і пераломамі. Нягледзячы на намаганні лекараў, падлетак у 23.00 памёр.
«Міліцыя высветліла асобу загінулага - гэта 13-гадовы васьмікласнік, які пражываў у Ганцавічах. Мясцовы РАСК праводзіць далейшую праверку», - паведаміў Аляксандр Марчанка.
Састаў затрымаўся на 30 хвілін, графік руху цягнікоў парушаны не быў. Ад пачатку года на чыгунцы Беларусі адбылося 98 няшчасных выпадкаў.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга112
Каментары