Nabiraje abaroty praces pieraafarmleńnia damovaŭ subarendy na pramyja damovy. Planujecca, što ŭ stalicy da novaha hodu praktyčna nie zastaniecca tych, chto karystajecca kamunalnaj ułasnaściu praz pasiarednika.
«Da kanca hodu asnoŭnaja masa damovaŭ pavinna być pieraaformlenaja», — paviedamiŭ načalnik upraŭleńnia pradprymalnictva Kamitetu Minharvykankamu Alaksandar Kalinoŭski.
Z 24.04.2008 h. uviedzienaja zabarona na pradstaŭleńnie ŭ subarendu hramadzkich i pieraabstalavanych vytvorčych budynkaŭ, zbudavańniaŭ i pamiaškańniaŭ, što znachodziacca ŭ dziaržaŭnaj ułasnaści, a taksama va ŭłasnaści haspadarčych tavarystvaŭ, akcyi (doli ŭ statutnych fondach) jakich naležać Respublicy Biełaruś. Takoje rašeńnie zamacavana pratakołam pasiedžańnia Respublikanskaj kamisii pa ŭparadkavańni vykarystańnia administracyjnych budynkaŭ, zbudavańniaŭ, vytvorčych płoščaŭ i inšych abjetaŭ dziaržaŭnaj ułasnaści ad 25-26.03.2008 № 39.
Pamiž tym pad abmiežavańnie patrapiła vialikaja kolkaść subjektaŭ haspadarańnia, tolki ŭ stalicy było kala 700 subarendataraŭ. Bolšaść ź ich — małyja pradpryjemstvy albo indyvidualnyja pradprymalniki, što arandujuć płoščy dla arhanizacyi handlu albo akazańnia pasłuhaŭ na abjektach kamunalnaj ułasnaści.
U žniŭni rost niezadavalnieńnia biznesmenaŭ krychu razradzili: z-pad zabarony na subarendu było vyviedzienaje raźmiaščeńnie bankamataŭ, infakijoskaŭ, punktaŭ abmienu valuty, a taksama kropak prodažu elektronnych interaktyŭnych hulniaŭ, arhanizavanych ZAT «Sport-pary» (zaćv. pratakołam pasiedžańnia kamisii ad 19.08.2008 № 45).
Raniej ekanamisty Minharvykankamu taksama sprabavali davieści ekanamičnuju metazhodnaść subarendnych adnosinaŭ, adnak zabarona, za nievialikim vyniatkam, zastałasia. Na dumku respublikanskaj kamisii, tolki pramyja damovy mohuć zabiaśpiečyć efektyŭnaje vykarystańnie dziaržułasnaści.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)