У сталіцы да новага году практычна не застанецца тых, хто карыстаецца камунальнай уласнасьцю праз пасярэдніка.
Набірае абароты працэс пераафармленьня дамоваў субарэнды на прамыя дамовы. Плянуецца, што ў сталіцы да новага году практычна не застанецца тых, хто карыстаецца камунальнай уласнасьцю праз пасярэдніка.
«Да канца году асноўная маса дамоваў павінна быць перааформленая», — паведаміў начальнік упраўленьня прадпрымальніцтва Камітэту Мінгарвыканкаму Аляксандар Каліноўскі.
З 24.04.2008 г. уведзеная забарона на прадстаўленьне ў субарэнду грамадзкіх і пераабсталяваных вытворчых будынкаў, збудаваньняў і памяшканьняў, што знаходзяцца ў дзяржаўнай уласнасьці, а таксама ва ўласнасьці гаспадарчых таварыстваў, акцыі (долі ў статутных фондах) якіх належаць Рэспубліцы Беларусь. Такое рашэньне замацавана пратаколам паседжаньня Рэспубліканскай камісіі па ўпарадкаваньні выкарыстаньня адміністрацыйных будынкаў, збудаваньняў, вытворчых плошчаў і іншых аб’етаў дзяржаўнай уласнасьці ад 25-26.03.2008 № 39.
Паміж тым пад абмежаваньне патрапіла вялікая колькасьць суб’ектаў гаспадараньня, толькі ў сталіцы было каля 700 субарэндатараў. Большасьць зь іх — малыя прадпрыемствы альбо індывідуальныя прадпрымальнікі, што арандуюць плошчы для арганізацыі гандлю альбо аказаньня паслугаў на аб’ектах камунальнай уласнасьці.
У жніўні рост незадавальненьня бізнэсмэнаў крыху разрадзілі: з-пад забароны на субарэнду было выведзенае разьмяшчэньне банкаматаў, інфакіёскаў, пунктаў абмену валюты, а таксама кропак продажу электронных інтэрактыўных гульняў, арганізаваных ЗАТ «Спорт-пары» (зацьв. пратаколам паседжаньня камісіі ад 19.08.2008 № 45).
Раней эканамісты Мінгарвыканкаму таксама спрабавалі давесьці эканамічную мэтазгоднасьць субарэндных адносінаў, аднак забарона, за невялікім выняткам, засталася. На думку рэспубліканскай камісіі, толькі прамыя дамовы могуць забясьпечыць эфэктыўнае выкарыстаньне дзяржуласнасьці.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары