Ekanamičnaja statystyka za kastryčnik fatalnaja: proci vieraśnia adtok układaŭ skłaŭ 6%, roźničny tavarazvarot źniziŭsia na 3,8%, abjom pramysłovaj pradukcyi skaraciŭsia na 2,9%. Valutnaja vyručka źmienšyłasia proci žniŭnia na 25%.
Dziaržstat abnarodavaŭ ekanamičnuju statystyku za kastryčnik. Jana fatalnaja: proci vieraśnia adtok układaŭ skłaŭ 6%, roźničny tavarazvarot źniziŭsia na 3,8%, abjom pramysłovaj pradukcyi skaraciŭsia na 2,9%. Valutnaja vyručka źmienšyłasia proci žniŭnia na 25%.
Byvaj, spažyviecki bum. Pieršy raz za doŭhija hady za kastryčnik abjom roźničnaha tavarazvarotu nie vyras. Navat źniziŭsia — na 3,8%. Heta značyć, nasielnictva adčuła ekanamičnyja ciažkaści i zaviazała kašali.
Kastryčnik staŭ taksama pieršym miesiacam padzieńnia abjomu pramysłovaj pradukcyi. Jon skaraciŭsia ŭ paraŭnańni ź vieraśniem na 2,9%. Siarod rehijonaŭ bolš za usich źmienšyła abaroty Hrodzienskaja vobłaść — minus 10%. Viciebskaja skaraciła vytvorčaść na 7,3%, Minskaja — na 5,9%, a Homielskaja vobłaść na 2%.
Kastryčnik staŭ čornym miesiacam dla čornaj mietałurhii Biełarusi.Źnižeńnie vytvorčaści ŭ hetaj halinie, najbolš adčuvalnaj da suśvietnaha finansavaha kryzisu, skłała 23,7%.
Adbyŭsia abvał vytvorčaści tramvajnych vahonaŭ (na 66,7%), elektrapyłasosaŭ — na 51,7%, elektraplitaŭ — na 46,9%, makaronnych vyrabaŭ — na 23,1%, matacykłaŭ — na 19,5%, minieralnych uhnajeńniaŭ — na 12,3%, aleju — na 11,2%, televizaraŭ — na 8,7%, traktaroŭ — na 7,1%. Prykmietna prytarmaziła cemientavaja pramysłovaść — na 2,5%.
Hetyja haliny šmat u čym zaviazanyja na zamiežnyja rynki, dzie nazirajecca padzieńnie popytu.
Niepryjemnaść čakaje i zołatavalutnyja zapasy:
valutnaja vyručka źnižajecca treci miesiac zapar.Sa žniŭnia pa kastryčnik ad pradadzienaj za miažu pradukcyi pastupiła valuty mienš amal na 25%. U vieraśni padzieńnie skłała 12,9% u dačynieńni da žniŭnia, u kastryčniku — na 16,1% u adnosinach da vieraśnia. Heta samy nizki pakazčyk ad studzienia 2008 hoda.
Tym časam za 10 miesiacaŭ zapasy hatovaj pradukcyi vyraśli na 43,2%.
Bolš za ŭsio na składach pylicca hadzińnikaŭ. Ich zapasy ŭ 29,1 razu pieravyšajuć siaredniemiesiačnuju vytvorčaść. Zapasaŭ našych niajakasnych ilnianych tkaninaŭ bolš u 7,1 razu, vaŭnianych tkaninaŭ u 4,7 razu, sadavina-harodninnych kansiervaŭ — u 3,6 razu (vojska najesca ŭvolu), cukru ŭ 3,3 razy, pralnych mašynaŭ u 2,55 razu, televizaraŭ — na 118,3%.
Rost tavarnych zapasaŭ paćviardžaje paharšeńnie situacyi ŭ zamiežnym i ŭnutranym handli.
Akramia taho, analityki ahienctva PRAJM-TASS zvažajuć na toje, što ŭvod u ekspłuatacyju žytła ŭpaŭ u kastryčniku ŭ paraŭnańni z papiarednim miesiacam bolš jak u piać razoŭ — da 168,8 tys. kv. m.
Biełaruś z łaham u miesiac-dva paŭtaraje ŭsie niehatyŭnyja tendencyi, što majuć miesca ŭ Rasii dy inšych krainach, jakija kryzis začapiŭ najbolš.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie45
Kamientary