Aktyvisty ruchu padkarpackich rusinaŭ praviali ŭ biełaruskaj stalicy słuchańni «Padkarpackaja Ruś i Ruski śviet». Na ich byŭ abrany ŭrad aŭtanomnaj respubliki Padkarpackaja Ruś, abvieščanaj 25 kastryčnika ŭ Mukačavie.
Jak paviedamlaje kommersant.ua 25 kastryčnika ŭ Mukačavie adbyŭsia II Jeŭrapiejski kanhres padkarpackich rusinaŭ, na jakim byŭ padpisany miemarandum ab uznaŭleńni rusinskaj dziaržaŭnaści. Ustupleńnie dakumienta ŭ siłu było adkładziena da 1 śniežnia.
Da hetaha času, na dumku rusinaŭ, ukrainskija ŭłady pavinny byli pačać praces pryznańnia aŭtanomnaj respubliki Padkarpackaja Ruś. Nie atrymaŭšy adkazu ad aficyjnaha Kijeva, rusiny sabralisia ŭ Minsku i abviaścili pra stvareńnie ŭrada z 50 čałaviek.
Udzielniki minskaha schodu taksama źviarnulisia da parłamientaŭ Rasii i Biełarusi z prośbaj razhledzieć pytańnie ab pravie rusinaŭ na samavyznačeńnie.
Adnak, pa słovach staršyni kamisii pa mižnarodnych spravach i suviaziam z SND pałaty pradstaŭnikoŭ Siarhieja Maskieviča, takaja zajava da biełaruskich parłamientaryja jašče nie prychodziła. Taksama palityk nazvaŭ aburalnym sam fakt praviadzieńnia rusinskich słuchańniaŭ na terytoryi Biełarusi.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ16
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary