Актывісты руху падкарпацкіх русінаў правялі ў беларускай сталіцы слуханьні «Падкарпацкая Русь і Рускі свет». На іх быў абраны ўрад аўтаномнай рэспублікі Падкарпацкая Русь, абвешчанай 25 кастрычніка ў Мукачаве.
Як паведамляе kommersant.ua 25 кастрычніка ў Мукачаве адбыўся II Еўрапейскі кангрэс падкарпацкіх русінаў, на якім быў падпісаны мемарандум аб узнаўленні русінскай дзяржаўнасці. Уступленне дакумента ў сілу было адкладзена да 1 снежня.
Да гэтага часу, на думку русінаў, украінскія ўлады павінны былі пачаць працэс прызнання аўтаномнай рэспублікі Падкарпацкая Русь. Не атрымаўшы адказу ад афіцыйнага Кіева, русіны сабраліся ў Мінску і абвясцілі пра стварэнне ўрада з 50 чалавек.
Удзельнікі мінскага сходу таксама звярнуліся да парламентаў Расіі і Беларусі з просьбай разгледзець пытанне аб праве русінаў на самавызначэнне.
Аднак, па словах старшыні камісіі па міжнародных справах і сувязям з СНД палаты прадстаўнікоў Сяргея Маскевіча, такая заява да беларускіх парламентарыя яшчэ не прыходзіла. Таксама палітык назваў абуральным сам факт правядзення русінскіх слуханняў на тэрыторыі Беларусі.
Каментары