Maryjana Ščotkina: Hiendarnaja roŭnaść — adna z hałoŭnych metaŭ Biełarusi
Ustojlivaje raźvićcio luboj dziaržavy niemahčyma biez kłopatu pra prestyž siamji i biez hodnaha staŭleńnia da žančyny, biez zabieśpiačeńnia hiendarnaj roŭnaści. Pra heta zajaviła siońnia namieśnica staršyni Savieta Respubliki, staršynia HA «Biełaruski sajuz žančyn» Marjana Ščotkina na forumie «Śviataść maciarynstva», pieradaje karespandent BiełTA.
«Sučasnaja žančyna ŭžo nie moža zakryć siabie tolki ŭ ramkach siamji. Siońnia žančyny źjaŭlajucca aktyŭnymi ŭdzielnicami farmiravańnia hramadzianskaj supolnaści, — skazała Marjana Ščotkina. — I pytańnie zabieśpiačeńnia hiendarnaj roŭnaści vyznačana ŭ Biełarusi ŭ jakaści adnaho z aksielerataraŭ dasiahnieńnia Metaŭ ŭstojlivaha raźvićcia».
Zhodna z Hłabalnym dakładam ab hiendarnym razryvie 2017 hoda Suśvietnaha ekanamičnaha forumu, Biełaruś zajmaje 26 miesca z 144 krain, padniaŭšysia ŭ rejtynhu roŭnaści mužčyn i žančyn na 4 pazicyi ŭ paraŭnańni z 2016 hodam.
Žančyny imknucca da finansavaj samastojnaści, robiać staŭku na paśpiachovuju karjeru. Adzin z sučasnych punktaŭ rostu, adznačyła Marjana Ščotkina, — raźvićcio žanočaha pradprymalnictva. Pakul žanočy biznes adstaje pa pamiery i chutkaści raźvićcia ŭ paraŭnańni z kampanijami, jakija ŭznačalvajuć mužčyny, ale žančyny bolš sacyjalna aryjentavanyja i čaściej vybirajuć śfiery sacyjalnych, adukacyjnych i miedycynskich pasłuh.
«Pry hetym sumiaščeńnie prafiesijnych i siamiejnych abaviazkaŭ zastajecca žanočaj prablemaj. Jak pakazała abśledavańnie chatnich haspadarak pa vykarystańni času, chatniaj haspadarcy i dohladu dziaciej žančyny addajuć u 2 razy bolš času, čym mužčyny.
Hetyja padychody treba mianiać, pazbaŭlacca ad stereatypaŭ, kab raskryvać patencyjał žančyny, pašyrać ich mahčymaści dla sumiaščeńnia roznych rolaŭ», — padkreśliła staršynia BSŽ.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary