Na 48-m hodzie paśla ciažkaj i praciahłaj chvaroby pamior biełaruski trenier Uładzimir Žuraviel, paviedamlaje «Priessboł».
Apošniaje miesca pracy — karahandzinski «Šachcior». Žuraviel uznačaliŭ kazachstanskuju kamandu ŭ studzieni 2018 hoda, adnak užo ŭ lipieni pakinuŭ kłub. Z tych časoŭ nikudy nie ŭładkoŭvaŭsia.
Da hetaha Žuraviel uznačalvaŭ bresckaje «Dynama», «Homiel», minskaje «Dynama» i salihorski «Šachcior». Z 2010-ha pa 2013-y hady čatyry razy zapar braŭ z harniakami srebra čempijanatu Biełarusi. U 2014-m paŭtaryŭ pośpiech u piaty raz — užo ź minskim «Dynama». A ŭ 2017-m pryvioz u Brest Kubak Biełarusi.
Bolšuju častku futbolnaj karjery Žuraviel pravioŭ u minskim «Dynama», ź jakim šeść razoŭ stanaviŭsia čempijonam Biełarusi, a taksama dvojčy vyjhravaŭ Kubak Biełarusi.
Ciapier čytajuć
Jak u halečy śpivałasia radnia Łukašenki? Małaviadomyja fakty45
Kamientary