На 48-м годзе пасля цяжкай і працяглай хваробы памёр беларускі трэнер Уладзімір Журавель, паведамляе «Прессбол».
Апошняе месца працы — карагандзінскі «Шахцёр». Журавель узначаліў казахстанскую каманду ў студзені 2018 года, аднак ужо ў ліпені пакінуў клуб. З тых часоў нікуды не ўладкоўваўся.
Да гэтага Журавель узначальваў брэсцкае «Дынама», «Гомель», мінскае «Дынама» і салігорскі «Шахцёр». З 2010-га па 2013-ы гады чатыры разы запар браў з гарнякамі срэбра чэмпіянату Беларусі. У 2014-м паўтарыў поспех у пяты раз — ужо з мінскім «Дынама». А ў 2017-м прывёз у Брэст Кубак Беларусі.
Большую частку футбольнай кар'еры Журавель правёў у мінскім «Дынама», з якім шэсць разоў станавіўся чэмпіёнам Беларусі, а таксама двойчы выйграваў Кубак Беларусі.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары