Praviły sełfi: zamiest «cheese» brytanskija fatohrafy prapanavali vymaŭlać «thursday»
Brytanskija fatohrafy i stylisty pieraličyli niekalki praviłaŭ, jakija dapamohuć sfatahrafavacca ŭ samym udałym rakursie. Ich parady pryvodzić vydańnie Daily Mail.
Fatohraf Garance Dorie rekamiendavaŭ pavaročvacca da kamiery svaim «najlepšym» bokam. Pavodle jaho, jašče ŭ 2012 hodzie navukoŭcy amierykanskaha ŭniviersiteta Uejd-Forest dakazali, što ŭ bolšaści ludziej levy bok najbolš pryvabny.
Na hrupavym zdymku lepš raźmiaścicca dalej ad abjektyva, bo toj, chto staić na piarednim płanie, niepaźbiežna budzie zdavacca na zdymku bujniejšym, čym jon jość nasamreč.
Zamiest słova cheese («syr») fatohrafy prapanavali pramaŭlać thursday («čaćvier»).
Jany patłumačyli, što padčas vymaŭleńnia hetaha słova rot trochi pryadkryvajecca i tvar prymaje rassłableny vyraz.
A samaj «udałaj» i niazmušanaj ŭśmieški možna damahčysia prostaj imitacyjaj śmiechu.
Samy vyjhryšny dla sełfi rakurs — źvierchu. Adnak kali fatohraf zdymaje madel na adlehłaści, adnym z najlepšych varyjantaŭ, naadvarot, budzie vyhlad źnizu.
Taksama nieabchodna sačyć za tym, kab tvar ci cieła źmiaščałasia ŭ kadr całkam.
Kamientary