Červieńskim rajonnym adździełam Śledčaha kamiteta zavieršana rasśledavańnie kryminalnaj spravy ŭ dačynieńni da 50-hadovaha žychara Červienia i jaho 24-hadovaha syna.
Paciarpiełym pa kryminalnaj spravie pryznany 38-hadovy žychar Červienia, jaki niekatory čas sa svajoj siamjoj zdymaŭ dom u starejšaha ź fihurantaŭ.
U kancy žniŭnia 2018 hoda kvataranty vysielilisia, ale apłacić kamunalnyja pasłuhi jašče nie paśpieli. Tady haspadar kvatery pačaŭ patrabavać hrošy i ad słoŭ pierajšoŭ da dziejańniaŭ.
Kali arandatar pryjšoŭ u svaju byłuju kvateru viarnuć klučy, haspadar kvatery razam sa svaim synam źbiŭ byłoha žychara. Paśla mužčynu zapchnuli ŭ kufar, dušyli provadam, pahražali zabić i vyvieźci ŭ les.
Jaho vymusili napisać raśpisku ab najaŭnaści pierad imi doŭhu pamieram 400 rubloŭ i addać klučy ad mašyny, dakumienty i pašpart.
Kali mužčynu ŭsio ž adpuścili, jon pajšoŭ u milicyju.
Kryŭdzicielaŭ źmiaścili pad vartu. Ciapier im pahražaje da 10 hadoŭ.
Kamientary