U ZŠA, dzie dziaržustanovy zakrylisia na kanikuły da rašeńnia pra ich finansavańnie, zastaniecca nie adramantavanaj hirlanda na kaladnaj jalincy kala Biełaha doma. Jaje sapsavaŭ varjat, jaki ŭ piatnicu pasprabavaŭ zaleźci na jełku, pieradaje RBK.
«Spynieńnie finansavańnia 22 śniežnia pryviało da taho, što my nie možam vyrašyć prablemu tak chutka, jak nam by chaciełasia», — zajavili ŭ Słužbie nacyjanalnych parkaŭ, paviedamlaje ABC Washington.
Słužba nacyjanalnych parkaŭ paźniej paviedamiła, što atrymała achviaravańnie, pryznačanaje dla ramontu hirlandy, adnak pakul nieviadoma, ci budzie dastatkova hetych hrošaj.
Raniej, 22 śniežnia, psichična chvory mužčyna pasprabavaŭ zaleźci na kaladnuju jalinku ŭ parku niepadalok ad Biełaha doma. Pavodle palicyi, u vyniku jamu ŭdałosia zabracca na vyšyniu kala 5 m. Pravaachoŭniki praviali z mužčynam pieramovy, a paśla taho jak jon źlez z dreva, adpravili ŭ špital dla psychijatryčnaha abśledavańnia. U vyniku incydentu byli paškodžanyja hirlandy.
U Štatach adbyłosia treciaje za hod častkovaje spynieńnie finansavańnia pracy ŭradavych ustanoŭ (shutdown) praz toje, što kanhres nie paśpieŭ ŭzhadnić novy biudžet. Prezident ZŠA Donald Tramp zajaviŭ, što nie budzie padpisvać dakumient, kali jon nie budzie ŭklučać finansavańnie budaŭnictva ściany na miažy ź Mieksikaj. Suprać hetaha, jak marnavańnia hrošaj, vystupajuć demakraty.
