Palavańnie na zajca zapomnicca 43-hadovamu hamielčuku nadoŭha. Pakul jon biehaŭ za zajcam, za samim hamielčukom biehaŭ AMAP.
Jak paviedamlaje homielskaja milicyja, incydent adbyŭsia 17 listapada 2018 hoda. U 102 patelefanavała žycharka vioski Karavyšań Homielskaha rajona. Žančyna ŭ ślozach raspaviała pra toje, što nieviadomy mužčyna sa strelbaj vyjšaŭ z zaraśnikaŭ maliny z boku pola i pajšoŭ pa harodzie, stralajučy ŭ bok damoŭ. Taksama jana paviedamiła, što adzin sa strełaŭ, pralacieŭšy mima jaje, trapiŭ u ścianu haraža.
Uličvajučy situacyju, da miesca zdareńnia byli nakiravanyja najbližejšyja narady DAI, Departamienta achovy, uźniaty pa tryvozie bajavy atrad AMAPu.
Siłaviki adrazu pačali pošuki nieviadomaha strałka. Nieŭzabavie jany ŭbačyli taho samaha mužčynu — jon byŭ u kamuflavanaj vopratcy, z zaplečnikam i strelbaj. Milicyjanty zatrymali jaho.
Vyjaviłasia, što palaŭničy mieŭ usie patrebnyja dakumienty na prava našeńnia i zachoŭvańnia palaŭničaj strelby, a taksama palaŭničuju pucioŭku na zdabyču palaŭničaj žyvioły. Jon palavaŭ na zajca, ale nie ŭličyŭ, što kateharyčna zabaroniena stralać na adlehłaści 200 mietraŭ ad krajniaha budynka nasielenaha punkta i znachodzicca na hetaj terytoryi z zaradžanaj palaŭničaj zbrojaj.
Palaŭničy išoŭ ź lesu ŭ bok harodaŭ i zaŭvažyŭ zajca. Mužčyna streliŭ u jaho, paśla, zabraŭšy zdabyču, pajšoŭ u les, dzie razabraŭ jaje i pakłaŭ u zaplečnik. Zatym palaŭničy viarnuŭsia ŭ viosku, dzie i byŭ zatrymany milicyjantami.
Jaho pakarali štrafam 5 bazavych vieličyniaŭ za stralaninu ŭ vioscy. Na nastupnyja try hady jamu anulavali dazvoł na zachoŭvańnie palaŭničaj zbroi.
Ciapier čytajuć
Aryštavany dyrektar Pałaca Respubliki, adzin z arhanizataraŭ Marafona adzinstva6
Kamientary