Rasijskaja hazieta «Kommiersant» apublikavała repartaž pra pieramovy ŭ Maskvie Alaksandra Łukašenki i Uładzimira Pucina. Karespandent Andrej Kaleśnikaŭ pryśviaciŭ šmat uvahi «karatkavataj spadnicy» maładoj pamočnicy kiraŭnika Biełarusi.
«Kali całkam sfarmavaŭsia puł členaŭ rasijskaj delehacyi na čale ź Siarhiejem Łaŭrovym i kali padyšli biełaruskija pierahavorščyki, da stolika, za jakim pavinien byŭ siadzieć Alaksandr Łukašenka, padyšła jaho maładaja pamočnica: ci kab pamianiać ručku, ci kab, pa bolš poźnich viersijach, pakłaści papiery. Ale tak, spadnica, viadoma, była karatkavataja… Ci apynułasia… Ale vyšejšym rasijskim dziaržaŭnym čynoŭnikam stała prykra, pa-mojmu, nie z-za hetaha, a pierš za ŭsio z-za taho, što dziaŭčyna apynułasia tvaram da ich. U rešcie rešt chiba drenna, što jany pakazvali siabie ciapier takimi žyvymi ludźmi, navat ažyŭlena kamientavali pamiž saboj situacyju, jakaja skłałasia (na moj mimalotny pohlad, amal napałovu) i, zdajecca, raŭniva stavilisia da biełaruskich kalehaŭ, jakija apynulisia ŭ bolš vyjhryšnym stanoviščy, u toj čas jak hetyja kalehi zastavalisia da jaje demanstratyŭna abyjakavymi (jany niby namiakali na toje, što jašče i nie takoje bačyli)».
Alaksandra Łukašenku ŭ takich pajezdkach zvyčajna supravadžaje Darja Šmanaj — kiraŭnica słužby pratakoła.
U listapadzie źjaviłasia videa, jak jana ździmaje pylinki sa stała Łukašenki pierad pačatkam samita ADKB u Astanie.
Kamientary