U noč na 6 červienia stalica Ukrainy padvierhłasia čarhovaj kambinavanaj atacy z boku Rasii.
U vyniku padzieńnia askiepkaŭ i trapleńniaŭ paškodžany abjekty hramadzianskaj infrastruktury, žyłyja damy, aŭtamabili, a taksama rejki mietrapalitena. Čatyry čałavieki zahinuli, 20 atrymali ranieńni, piša «Ukrainskaja praŭda».
U vyniku masiravanaj ataki zafiksavany paškodžańni prynamsi ŭ šaści rajonach Kijeva.
U Sałamianskim rajonie adbyłosia ŭzharańnie ŭ mietaličnym anhary na płoščy kala 500 kv. m. Ratavalniki praciahvajuć likvidacyju pažaru. Uźnikła ŭzharańnie na 11-m paviersie 16-paviarchovaha žyłoha doma. U vyniku apieratyŭnych dziejańniaŭ byli vyratavany try čałavieki. Pažar likvidavany.
U Darnickim rajonie zafiksavana padzieńnie askiepkaŭ źbitych celaŭ prynamsi ŭ troch łakacyjach. Paškodžany dva aŭtamabili.
U Hałasiejeŭskim rajonie ŭźnik pažar na abjekcie hramadzianskaj infrastruktury, praciahvajecca likvidacyja. Paškodžana ŭstanova adukacyi. Častki źbitych celaŭ upali pobač z AZS, paškodziŭšy aŭtamabil. Askiepki taksama ŭpali ŭ niežyłoj zonie — biez paciarpiełych i biez pažaru.
U Dziaśnianskim rajonie vyjaŭleny askiepki źbitaha BpŁA na adkrytaj terytoryi.
U Šaŭčenkaŭskim rajonie adbyłosia ŭzharańnie ŭ niežyłoj zonie.
U Dniaproŭskim rajonie zafiksavany značnyja paškodžańni aŭtazapraŭnaj stancyi. Na miescy pracujuć ratavalniki.
-
Mahutny ŭdar naniesieny pa naftapierapracoŭčym zavodzie «Hazprama» ŭ Baškartastanie, za 1400 km ad ukrainskaj miažy
-
Va ŭkrainski pałon trapili jašče troje hramadzian Biełarusi, jakija vajavali na baku Rasii. Usie jany byli sudzimyja
-
«Dva-try tydni». Ad Arastoviča da Budanava — 5 hučnych prahnozaŭ pra vajnu, jakija nie spraŭdzilisia
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary