Čytačy-miedyki dasłali ŭ «Našu Nivu» dakumient Ministerstva achovy zdaroŭja, razasłany pa ŭsioj krainie.
Jon u čarhovy raz śviedčyć pra praktyku prymusovaj padpiski daktarami na profilnyja vydańni ministerstva.
«Ministerstva nahadvaje pra padpisku na pieršaje paŭhodździe 2019-ha na hazietu «Miedycynski vieśnik» i časopis «Zdravoochranijenije. Helthcare» z dadatkam — časopis «Miedycynskija viedy», u tym liku i ŭ svaich padnačalenych arhanizacyjach. Ab vynikach padpisnoj kampanii, u tym liku ŭ svaich padnačalenych arhanizacyjach, da 28 śniežnia prainfarmavać Ministerstva achovy zdaroŭja», — havorycca ŭ dakumiencie.
Cana padpiski na hazietu «Miedycynski vieśnik» — 27,85 rubla.
Jak zapeŭnili «Našu Nivu» pa numary, ukazanym na papiery, što «heta vyklučna napamin, nijakich prymusaŭ».
Praŭda, jak kažuć nam miedyki na miescach, u vypadku, kali dadzienyja pa arhanizacyi buduć «niezadavalniajučyja», to ich pazbaŭlajuć premii, a načalstva nahniataje atmaśfieru «vinavataści» ŭ dačynieńni tych, chto nie padpisaŭsia.
Praŭda, maŭlaŭ, vypadki admovy ad padpiski usio adno jość i navat pavialičvajucca.
Miedyki kažuć, što padpisvalisia b na hazietu sami, kali b apublikavanaja infarmacyja adpaviadała ich zapytam, a tak, maŭlaŭ, davodzicca ŭsio cikavaje čytać u internecie, što i razdražniaje ludziej.
«Uvieś čas vychodziać novyja hajdy, abnaŭlajucca rekamiendacyi. Voś što treba drukavać, i nie budzie nijakaha prymusu. Jašče b pra jurydyčnuju abaronu daktaroŭ, pra praktyki pakarańnia za parušeńni i naadvarot. Proćma temaŭ, jakija zapatrabavany! A «Miedvieśnik» nibyta ničoha nie bačyć, drukujuć u haziecie prahramu pieradač — navošta jana? Patrebnaj infarmacyi vobmal», — kažuć daktary.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia9
Kamientary