Ranicaj 31 śniežnia na hałoŭnaj tusovačnaj vulicy Minska adbyłasia bojka. Paśla jaje 46-hadovy minčuk skanaŭ, jaho 28-hadovy «apanient» syšoŭ, jaho zatrymali paźniej. A zatym — adpuścili pad padpisku.
Śledčy kamitet rastłumačyŭ partału Tut.by niuansy spravy.
Viadoma, što dvoje mužčyn z roznych kampanij vyjšli razabracca na vulicu — starejšamu nie spadabałasia, što maładziejšy sprabavaŭ patančyć na stale. Zatym adbyłasia karotkaja bojka, 28-hadovy chłopiec niekalki razoŭ udaryŭ mužčynu, toj upaŭ. Chutkaja kanstatavała śmierć mužčyny. Chłopiec tym časam źnik.
Paśla chłopca znajšli. Spravu zaviali ab pryčynieńni śmierci pa nieaściarožnaści. A samoha chłopca — darečy, uradženca Hrodna — vypuścili pad padpisku.
«Pa-pieršaje, sprava zaviedzienaja nie ŭ dačynieńni da 28-hadovaha žychara Hrodna, a pa fakcie pryčynieńnia śmierci pa nieaściarožnaści.
Pa-druhoje, jašče niama vynikaŭ sudova-miedycynskaj ekśpiertyzy, jakaja b vyznačyła pryčynu śmierci. Bo ciapier nielha skazać, što pamiž udarami i śmierciu jość pramaja suviaź. Čałaviek moh pamierci ad niečaha inšaha, tamu nie varta śpiašacca vinavacić žychara Hrodna ŭ zabojstvie, — rastłumačyła Julija Hančarova, aficyjny pradstaŭnik Śledčaha kamiteta. -
Pa-treciaje, zabojstva i pryčynieńnie śmierci pa nieaściarožnaści — daloka nie adno i toje ž. U hetych składach zusim roznaja forma viny, i pakarańni za hetyja złačynstvy taksama absalutna roznyja.
Pa-čaćviortaje, rašeńnie ab abaviazacielstvie ab jaŭcy pryniata stroha ŭ ramkach pravavoha pola i ŭ adpaviednaści z kryminalna-pracesualnym zakanadaŭstvam».
Maksimalnaje pakarańnie za pryčynieńnie śmierci pa nieaściarožnaści — 3 hady pazbaŭleńnia voli.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary