Hienieralnaja prakuratura nakiravała ŭ Minski haradski sud dla vyznačeńnia padsudnaści kryminalnuju spravu ŭ dačynieńni da hałoŭnaha redaktara partała Tut.by Maryny Zołatavaj. Pra heta paviedamiŭ aficyjny pradstaŭnik viedamstva Dźmitryj Bryleŭ, paviedamlaje Tut.by.
Surazmoŭca dadaŭ, što prakuror nie ŭbačyŭ padstaŭ dla źmieny abo admieny raniej abranaj miery strymańnia. Jak i raniej redaktar znachodzicca pad padpiskaj ab niavyjeździe i naležnych pavodzinach.
Viedamstva pryjšło da vysnovy, što abvinavačańnie vystaŭlena abhruntavana i paćviardžajecca sukupnaściu sabranych dokazaŭ. Kryminalnaja sprava znachodziłasia ŭ vytvorčaści Hałoŭnaha śledčaha ŭpraŭleńnia Śledčaha kamiteta.
Raniej SK dvojčy admoviŭ Zołatavaj u zadavalnieńni chadajnictva ab spynieńni kryminalnaha pieraśledu pavodle 86-ha artykuła Kryminalnaha kodeksa.
Nahadajem, Zołatava zastałasia adzinaj abvinavačvanaj pa «spravie BiełTA», astatnija fihuranty — 14 supracoŭnikaŭ roznych ŚMI — byli vyzvalenyja ad kryminalnaj adkaznaści z pryciahnieńniem da administracyjnaj. Akramia štrafaŭ, žurnalisty byli abaviazany kampiensavać uron. Sumy roznyja — ad 3 da 17 tysiač rubloŭ.
Hałoŭnaha redaktara Tut.by abvinavačvajuć pa č. 2 art. 425 Kryminalnaha kodeksa (Biaździejnaść słužbovaj asoby), sankcyja artykuła — ad štrafu i da 5 hadoŭ pazbaŭleńnia voli.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary