Biełaruski dyzajnier Jaŭhien Byčkoŭski pradstaviŭ svaju novuju kalekcyju sumak «Mulcibrendavaja».
Ale «svajho» u hetaj kalekcyi nie akazałasia. Jaŭhien skarystaŭsia idejami inšych biełaruskich dyzajnieraŭ: Maksima Mironava, Paŭła Panaskina, Killtoday Miłany Vilejta, Vity Hardzijeŭskaj.
Viadoma, takaja dziorzkaść nie zastałasia niezaŭvažanaj i ŭ sacyjalnych sietkach stali aktyŭna abmiarkoŭvać učynak Byčkoŭskaha.
Chtości naŭprost abvinavačvaŭ jaho ŭ kradziažy, chtości pisaŭ pra toje, što škaduje, što maje ŭ svajo kalekcyi reč ad dyzajniera Byčkoŭskaha.
![](http://nashaniva.com/img/w732d4webp1/photos/z_2019_01/photo_2019-01-31_13-42-03-7j20o.jpg.webp)
Sam dyzajnier u adkaz na heta … śmiajecca.
«Usio dziela hetaha, — skazaŭ Jaŭhien Byčkoŭski ŭ razmovie z «Našaj Ninaj». — Tak i napišycie: usio dziela hetaha. Dziela čaho? Potym zdymu vidos, u jakim usio patłumaču».
«NN»: Jaŭhien, a što vy skažacie na toje, što heta kradziež?
Byčkoŭski: U kaho ja kradu? U maładych biełaruskich dyzajnieraŭ? Dyk ja jany i jość (śmiajecca). Heta ž viesieła!
«NN»: Nie baiciesia, što na vas padaduć u sud?
Byčkoŭski: Złodziej pavinien siadzieć u turmie (śmiajecca). Ja hatovy adsiadzieć za dyzajn. Nabju sabie nakołku kupałoŭ i sumku Panaskina (śmiajecca).
Dyzajnier sumak Pavieł Panaskin pakul ad kamientaroŭ ustrymaŭsia:
«My zaraz prymajem miery, u tym liku i pravavyja. Tady i možna budzie havaryć pra sud ci niešta jašče. Ja ź Jaŭhienam Byčkoŭskim asabista nie razmaŭlaŭ».
Amal toje samaje adkazała i Miłana Vilejta (brend Killtoday):
«Situacyja dziŭnaja. Dajcie niekalki dzion razabracca ŭ joj. Z adnaho boku niepryhoža atrymałasia, a z druhoha — ja za hetyja dni atrymała stolki pazityŭnych vodhukaŭ pra maje pracy».
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary