Jak stała viadoma TUT.BY, zajavu ŭ milicyju pastupiła 21 studzienia ad haspadyni kata. Žančyna paviedamiła, što nieviadomy ŭ dvary streliŭ ź pnieŭmatyčnaj strelby ŭ jaje hadavanca. Kulku ad «pnieŭmatyki» z žyvioły dastaŭ vieterynar.
U chodzie pravierki vyśvietliłasia, što ŭ kata streliŭ susied paciarpiełaj. U toj dzień było chałodna, i kot załaziŭ pahrecca na kapot jaho aŭtamabila. Jon jaho nieadnarazova adhaniaŭ, ale žyvioła ŭsio adno viartałasia.
Kali kot čarhovy raz zalez na kapot, mužčyna dastaŭ «pnieŭmatyku» i streliŭ.
Na ščaście, ranieńnie było nie śmiarotnym. «Strałka» pryciahnuli da administracyjnaj adkaznaści za žorstkaje abychodžańnie z žyviołaj i vypisali štraf u 10 bazavych (255 rubloŭ).
Akramia taho, u Pružanskim rajonie praciahvajecca pravierka pa fakcie hvałtu nad jašče adnym chatnim hadavancam.
26 studzienia ŭ lesie kala Ružan školnica znajšła źbitaha da paŭśmierci sabaku. Bresckija vałanciory zabrali žyviołu i advieźli da vieterynaraŭ. Sabaku akazali ŭsiu nieabchodnuju dapamohu. Zaraz jon pavolna idzie na papraŭku.
Vinavaty pakul nie vyjaŭleny. Kali vam niešta viadoma ab dadzienym incydencie, prośba źviarnucca ŭ milicyju pa telefonie 102. Vałanciory abiacajuć uznaharodu tym, chto pradastavić infarmacyju.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1313
Kamientary