Situacyja, jakaja składvajecca siońnia vakoł Dahavora ab likvidacyi rakiet siaredniaj i mienšaj dalokaści (DRSMD), taić u sabie eskałacyju kanfliktnaha patencyjału i novy vitok honki ŭzbrajeńniaŭ, što budzie mieć surjoznyja doŭhaterminovyja nastupstvy dla jeŭrapiejskaha kantynienta. Pra heta havorycca ŭ adkazie namieśnika načalnika ŭpraŭleńnia infarmacyi i ličbavaj dypłamatyi MZS Andreja Šuplaka na pytańnie pradstaŭnikoŭ ab tym, jak Biełaruś stavicca da rašeńnia ZŠA prypynić svoj udzieł u DRSMD, paviedamlaje BiełTA.
«Siońnia pa abodva baki Atłantyki jak nikoli važna prykłaści ŭsie namahańni pa adnaŭleńni i ŭmacavańni mier davieru, kab nie dapuścić raźmiaščeńnia rakiet siaredniaj i mienšaj dalokaści ŭ jeŭrapiejskim rehijonie. Biełaruś zaklikaje ZŠA i Rasiju znoŭ prajavić vysokuju adkaznaść za los śvietu, jak heta zrabili SSSR i ZŠA 30 hadoŭ tamu, dla taho kab apiaredzić destabilizujučaje ŭździejańnie hetaha typu ŭzbrajeńniaŭ na biaśpieku ŭ jeŭrazijskim rehijonie», — zajaviŭ pradstaŭnik MZS.
Pavodle jaho słoŭ, Biełaruś 2 lutaha atrymała aficyjnaje apaviaščeńnie amierykanskaha boku pra vychad ZŠA praz šeść miesiacaŭ z DRSMD.
«Vychad z dahavora moža pryvieści da razvału sistemy mižnarodnych pahadnieńniaŭ u halinie mižnarodnaj biaśpieki, razzbrajeńnia i kantrolu nad uzbrajeńniami», — padkreśliŭ Andrej Šuplak.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1010
Kamientary