Niemaŭla špitalizavali ŭ rajonnuju balnicu.
Adbyłosia ŭsio ŭ Kaściukovičach. Padrabiaznaści ahučyŭ telekanał «Biełaruś 4 Mahiloŭ».
Pa słovach maci chłopčyka, dzicia płakała i nie davała nočču adpačyvać, tady baćka vyrašyŭ supakoić syna rukaprykładstvam.
«Nadakučyła, što dzicia viečna nyje, dyk jon padchapiŭsia i źbiŭ, — kaža maładaja maci. — Ja ratavała, jon [muž] mnie taksama siniak pastaviŭ».
Paboi i ranki vyjaviła miedsiastra padčas patranažu. Dzicia i maci adrazu ž špitalizavali ŭ Kaściukovickuju CRB.
U 1-miesiačnaha małoha mnostva ranak i siniakoŭ na tvary, šyi, hrudnoj kletcy.
Žyćciu małoha ništo nie pahražaje, ale ŭ siamju małoha nie viernuć, pakul dakładna nie vyśvietlicca, chto źbivaŭ niemaŭla. A paśla zaklučeńnia sudova-miedycynskaj ekśpiertyzy nakont ciažkaści cialesnych paškodžańniaŭ małoha budzie vyrašacca, ci zavodzić kryminalnuju spravu. U kamisii pa spravach niepaŭnaletnich razhladajecca mahčymaść kanfiskacyi dziciaci ź siamji.
Akramia hetaha, śpiecyjalisty akazvajuć baćkam psichałahičnuju dapamohu ŭ adaptacyi da siamiejnaha žyćcia. Sprava ŭ tym, što maci — 18 hadoŭ, baćku — 19, aboje siroty. Miedrabotniki kažuć, što maci nie reahuje na płač dziciaci, supakojvajuć niemaŭla miedycynskija siostry.
Ciapier čytajuć
Biznesmien, biełaruska sa Šviecyi, chłopiec, asudžany za čat na pieciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim55
Kamientary