Paviedamleńnie pastupiła ratavalnikam Klimavickaha rajonnaha adździeła MNS ad žychara vioski Rodnia ŭviečary. Sa słoŭ mužčyny, abrynuŭsia dach dvuchpaviarchovaha šaścikvaternaha žyłoha doma.
Było ŭstanoŭlena, što ŭ im adbyłosia abvalvańnie šyfiernaha dachu na draŭlanaje pierakryćcie. Žyłymi źjaŭlajucca tolki dźvie kvatery. Žychary ŭ momant abvalvańnia znachodzilisia ŭ domie, pačuli tresk i samastojna vyjšli na vulicu. Dach abrynuŭsia na płoščy 25 kvadratnych mietraŭ pa centry budynku, žyłyja kvatery, jakija raźmieščany na pieršym paviersie pa abodva baki ad centru, nie paciarpieli, paviedamili ŭ MNS. Zapłanavany pierajezd žycharoŭ u viedamasny žyły fond miascovaha pradpryjemstva.
Pryčyna abvalvańnia vyśviatlajecca. Razhladajucca adrazu niekalki viersij, siarod jakich staraść budaŭničych kanstrukcyj i ciažar śniehavoj nahruzki.
Nahadajem, što z pačatku miesiaca heta ŭžo nie pieršy vypadak, kali, jak miarkujecca ŭ tym liku z-za śniehu, abrynuŭsia dach draŭlanaha doma ŭ Bychaŭskim rajonie, a zatym — dach anhara, jaki naležaŭ cemientnamu zavodu, u Kaściukovičach.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary