Ahułam u rejtynh uvajšli šeść biełaruskich kampanij, u tym liku prezydencki sanatoryj «Biełaruś» u Druskininkai.
Dziaržaŭnaja padatkovaja inspekcyja Litvy pry ministerstvie finansaŭ Litvy ahučyła nazvy kampanij, jakija pa vynikach 2018 hodu zapłacili najbolš padatkaŭ, pieradaje «Zaŭtra tvajoj krainy». Siarod ich akazalisia kampanii, stvoranyja pry ŭdziele biełaruskich biznesoŭcaŭ.
Sodrugestvo Baltija za hod adličyła padatkaŭ na 3,6 miljonaŭ eŭra. Heta kampanija pradstaŭlaje na rynku krain Bałtyi bujnoha vytvorcu karmoŭ hrupy kampanij «Sodružiestvo». Uładalniki — hramadzianie Biełarusi Alaksandar i Natalla Łucenki.
Yukon Advanced Optics Worldwide — pradpryjemstva pa vypusku aptyčnych pryboraŭ. Uładalnik — biełarus Alaksandar Alšeŭski. Za hod kampanija zapłaciła padatkaŭ na 3,2 miljony eŭra.
Na piatym miescy ŭ liku samych bujnych padatkapłacielščykaŭ Druskininkaja — prezydencki sanatoryj «Biełaruś», suma padatkaŭ za hod — 982 tysiačy eŭra.
Handlovy dom «BMZ-Bałtyja», dačka Biełaruskaj metalurhičnaj kampanii, suma vypłat u biudžet Litvy za hod — 1,3 miljony eŭra.
Belintertrans Baltic — kampanija dačka bujnoha biełaruskaha lahistyčnaha aperatara «Bielintertrans — TŁC» za hod zapłaciła ŭ biudžet Litvy 1,1 miljon eŭra.
Biru Kroviniu Terminalas — kampanija, jakaja pradaje biełaruskija ŭhnajeńni na suśvietny rynak. Tracina akcyjaŭ naležyć «Biełaruśkaliju». Za hod kampanija zapłaciła padatkaŭ na 1 miljon eŭra.
Ciapier čytajuć
Čamu ŭ biełaruskaj turmie tak mocna chudziejuć? Tłumačym8
Kamientary