U suviazi z rekanstrukcyjaj vulicy Bahdanoviča ad mosta praź Śvisłač da vuł. architektara Zaborskaha płanujecca z 23 lutaha abmiežavać ruch pa dadzienaj mahistrali. Taksama budzie zakryty ŭjezd na vuł. M. Bahdanoviča z boku vuł. Staražoŭskaj i Ja. Kupały, paviedamlajuć Minsk-naviny.
Na moście praź Śvisłač prajeznaja častka maje 6 pałos ruchu, dalej da skryžavańnia z vuł. Ja. Kupały — 5 pałos: try ŭ bok vuł. Zaborskaha i dźvie ŭ zvarotnym kirunku, paśla pierasiačeńnia z vuł. Ja. Kupały — znoŭ 6 pałos.
Kab pavialičyć prapusknuju zdolnaść vulicy, zapłanavana pašyryć hety ŭčastak jašče na adnu pałasu. Pašyreńnie pojdzie ŭ bok terytoryi byłoj 2-j kliničnaj balnicy.
Akramia hetaha padčas rekanstrukcyi treba budzie pierabudova inžyniernych sietak, u tym liku hazapravoda i ciepłatrasy, jakija prachodziać jak raz pad skryžavańniem z vuł. Staražoŭskaj i Ja. Kupały.
Taksama ŭ chodzie rabot vykanajuć pierastrańnie kantaktnaj sietki tralejbusaŭ ź pierastanoŭkaj apor, abnoviać vonkavaje aśviatleńnie, ustalujuć novy śviatłaforny abjekt na skryžavańni z vuł. Ja. Kupały.
Źmienicca maršrut ruchu hramadskaha transpartu.
Kamientary