Karystalnik Mikita Niebylicki apublikavaŭ u Facebook fatahrafiju z maskoŭskaha mietro, na jakoj zafiksavany były ministr abarony samaabvieščanaj «Danieckaj narodnaj respubliki» (DNR), eks-supracoŭnik FSB Rasii Ihar Hirkin, viadomy jak Ihar Strałkoŭ.
Na zdymku mužčyna siadzieŭ u adzinocie ŭ novym vahonie padziemki.
«Jedzie brać Kijeŭskuju», — pažartavaŭ Niebylicki, nahadvajučy ab udziele Strałkova va ŭzbrojenym kanflikcie na paŭdniovym uschodzie Ukrainy i jaho zaklikach «uziać Kijeŭ».
Vsio było naprasno pic.twitter.com/hZTPbmOBlw
— Pavel Pryanikov (@netovetz) 20 fievrala 2019 h.
Strałkoŭ — adzin z aktyŭnych udzielnikaŭ kanfliktu na Danbasie, eskałacyja jakoha adbyłasia, pa jaho ž pryznańni, praź jaho dziejańni. Jon kiravaŭ apałčeńniem u Słaviansku, paśla čaho ŭkrainskija ŭłady ŭpieršyniu abviaścili ab praviadzieńni ŭ rehijonie antyterarystyčnaj apieracyi. Paśla byŭ ministram abarony «DNR» i kamandujučym jaje armijaj, a taksama adnym ź ideołahaŭ «Navarosii». Jon znachodzicca pad piersanalnymi sankcyjami Jeŭrasajuza i ZŠA, ułady Ukrainy ličać jaho terarystam. U Rasii Strałkoŭ, były vajskoviec i adstaŭny pałkoŭnik FSB, maje status vajennaha piensijaniera, časta vystupaje ekśpiertam na radyjo i ŭ miedyja.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju3
Kamientary