Ekanamičny sud Minska raspačaŭ spravu ab bankructvie kampanii «FiksMarkiet», jakaja niekalki hadoŭ tamu zapuściła ŭ Biełarusi sietku kram fiksavanych cenaŭ «Try cany». Heta vynikaje z danych Adzinaha dziaržrejestra źviestak ab bankructvie, zaŭvažyła «Lusterka».
Z zajavaj u sud źviarnuŭsia kankurent kampanii — «Płej chard», jakomu jana zavinavaciłasia 3,4 miljona rubloŭ. Akramia taho, u «FiksMarkieta» jość zapazyčanaść pierad biudžetam — bolš za 669 tysiač. Niahledziačy na finansavyja prablemy, kampanija praciahvaje pracavać, a ŭsia vyručka idzie na vypłatu padatkaŭ.
Kiraŭničaja arhanizacyja «Vuli Vuli» zajaviła sudu, što nie vałodaje infarmacyjaj pra dziejnaść daŭžnika. 26 sakavika sud uvioŭ u dačynieńni da kampanii achoŭny pieryjad. Heta pracedura ekanamičnaj niepłaciežazdolnaści. Jaje pravodziać dla taho, kab zadavolić patrabavańni kredytoraŭ, abaranić pravy daŭžnika, a taksama inviestaraŭ pry sanacyi (azdaraŭleńni). Kali niemahčyma pravieści sanacyju ci adsutničajuć dla jaje padstavy, to zapuskajecca likvidacyjnaja vytvorčaść daŭžnika.
«FiksMarkiet» aktyŭna raźvivaŭ handlovuju sietku i da 2022 hoda ŭ jaho było 269 kram. Tady ž na rynku źjaviŭsia novy hulec — «Płej chard», jaki staŭ adkryvać kramy pad tym ža samym brendam. Ciapier ułaśnik «Płej chard» Vital Sabaleŭski kantraluje bolš za 300 handlovych kropak u 144 haradach. U rytejlera jość svoj raźmierkavalny centr. U kramach pradajuć niedarahija tavary ŭ 20 katehoryjach — pačynajučy ad charčavańnia i zakančvajučy adzieńniem i aksiesuarami.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary