Ukaz №222 «Ab rehulavańni pradprymalnickaj dziejnaści i realizacyi tavaraŭ indyvidualnymi pradprymalnikami i inšymi fizičnymi asobami» płanujecca adkarektavać. Pra heta ŭ efiry telekanała «Biełaruś 1» paviedamiŭ pieršy namieśnik premjer-ministra Alaksandr Turčyn, paviedamlaje BiełTA.
«My ciapier analizujem praktyku prymianieńnia ŭkaza №222. Jość dumki hety dakumient padkarektavać, niekatoryja normy svaju aktualnaść zhubili», — adznačyŭ jon. Naprykład, usim viadomyja čeki, kali tavar pryvozicca z Rasijskaj Fiederacyi. Nieabchodnaść najaŭnaści čekaŭ vyklikaje narakańni ŭ pradprymalnikaŭ.
«My ź Ministerstvam pa padatkach i zborach zrobim ahulny paradak. Jość tavarna-transpartnyja nakładnyja i inšyja dakumienty, jakich całkam dastatkova, kab praviarać lehalnaść ŭvozu taho ci inšaha tavaru na terytoryju našaj krainy», — udakładniŭ pieršy vice-premjer.
Havoračy ab mahčymych terminach uniasieńnia źmianieńniaŭ u hety dakumient, Alaksandr Turčyn dadaŭ, što ŭ płanach zaviaršyć hetuju pracu ŭ pieršym paŭhodździ 2019 hoda, zaŭvažyŭšy pry hetym, što «ŭrehulujem hetaje pytańnie, paraiŭšysia z našymi biznesmienami».
U adpaviednaści z ukazam №222 IP, jakija zajmajucca roźničnym handlem tavarami lohkaj pramysłovaści, pavinny mieć dakumienty, jakija paćviardžajuć nabyćcio tavaru na terytoryi dziaržavy — člena JEAES za najaŭny raźlik, jakija adpaviadajuć patrabavańniam krainy-kontrahienta.-0-
