Ministr Raŭkoŭ raspavioŭ, jakija miery płanujuć zrabić dla pavyšeńnia prestyžu pryzyvu

U Biełarusi dla hramadzian, jakija prajšli terminovuju vajskovuju słužbu abo słužbu ŭ reziervie, płanujecca ŭvieści lhoty i prefierencyi. Pra heta paviedamiŭ žurnalistam ministr abarony Andrej Raŭkoŭ pa vynikach narady ŭ kiraŭnika dziaržavy, piša BiełTA.

«Ludziam, jakija adsłužyli terminovuju vajskovuju słužbu abo VNU, pryjarytet pry pastupleńni ŭ VNU pry roŭnaści bałaŭ, pryjarytet pry atrymańni žylla ŭ internacie, pry raźmierkavańni i inšyja prefierencyi, jakija my prapanavali (na naradzie)», - raspavioŭ Andrej Raŭkoŭ.

Siońnia na naradzie kompleksna abmiarkoŭvałasia prablematyka kamplektavańnia vajskovych padraździaleńniaŭ asabovym składam, razhladaŭsia pakiet prapanoŭ, jak matyvavać hramadzian da prachodžańnia terminovaj słužby, pavysić prestyž vajskovaj słužby. Zaraz u Biełarusi dajecca 47 roznych adterminovak ad prachodžańnia terminovaj vajskovaj słužby. Na dumku vajennych, ich kolkaść možna skaracić.

«Pa ŭsich napramkach, jakija byli prapanavany kiraŭniku dziaržavy, jakimi krokami iści, pryniataje stanoŭčaje rašeńnie. Ale razam z tym vykazana pažadańnie ŭdakładnić niekatoryja pytańni ź jurydyčnaha boku», - dadaŭ ministr.

Miery, jakija razhladalisia na naradzie, buduć realizavany ŭ dva etapy.

Spačatku havorka idzie pra toje, kab navieści paradak na ŭsich uzroŭniach — ad urokaŭ dapryzyŭnaj padrychtoŭki ŭ škołach i pracy miedkamisij ŭ vajenkamatach da słužby ŭ vojsku ŭ cełym. Heta stała klučavym patrabavańniem kiraŭnika krainy. Adnačasova buduć raspracoŭvacca žorstkija miery baraćby z uchilistami. Hetuju pracu płanujecca zaviaršyć da vosieni i paviedamić ab vynikach kiraŭniku dziaržavy.

Padčas druhoha etapa pierahledziać praviły pryzyvu na terminovuju vajennuju słužbu. Buduć jašče raz praanalizavany adterminoŭki, mahčyma, ad niekatorych admoviacca. Padumajuć i nad tym, jak zacikavić hramadzian u vykanańni voinskaha doŭhu. Ciapier abmiarkoŭvajucca samyja roznyja miery, ale ŭ adzin momant ich ŭvasablać u žyćcio nie płanujuć. Na naradzie padkreślivałasia, što nijakaj karennaj łomki być nie pavinna, u hetych pracesach nieabchodny pastupalny ruch.

• 0
• 0
• 0
• 0
• 0
• 0