«Kulhavy djabał»: Pamior śledčy, jaki rasśledavaŭ spravy Hančara, Zacharanki i Zavadskaha
Telehram-kanał «Kulhavy djabał» paviedamiŭ, što pamior Uładzimir Čumačenka, były śledčy prakuratury pa asabliva važnych spravach.
Čumačenka spryčyniŭsia da rasśledavańnia badaj što ŭsich hučnych źniknieńniaŭ, u jakich hramadstva bačyć palityčny śled: jon rasśledavaŭ źniknieńni Hančara, Zacharanki, Krasoŭskaha i Zavadskaha. Nahadajem, što vinavatyja ŭ źniknieńni apazicyjnych palitykaŭ tak i nie byli pryciahnutyja da adkaznaści.
Pravodziŭ pieratrus u ofisie BNF paśla «Čarnobylskaha šlachu» 1996 hoda.
Jon ža rasśledavaŭ zabojstva žurnalistki Vieraniki Čarkasavaj.
U internecie jość zhadki, jak jon vynosiŭ pastanaŭleńnie ab psichijatryčnaj ekśpiertyzie syna Čarkasavaj, a svajaki tady schavali jaho ad psichuški ŭ Rasii, pakul sud nie pryznaŭ hetuju pastanovu niezakonnaj.
Pa infarmacyi kanała, Čumačenka pamior ad prablem z sercam, jamu było 63 hady.
Čytajcie taksama: U DTZ zahinuŭ adjutant eks-ministra Sivakova, jaki byŭ datyčny da rasstrelnaha pistaleta
Varta adznačyć, što rasśledavańniem spraŭ źniknieńnia apošnim časam zajmaŭsia inšy čałaviek, usiaho śledčych źmianiłasia niekalki.
Čumačenka byŭ u składach pieršych śledčych hrup.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary