Ministerstva ŭnutranych spraŭ prapanuje ŭvieści ŭ Biełarusi balnuju sistemu baraćby sa złosnymi parušalnikami praviłaŭ darožnaha ruchu. Pra heta paviedamiŭ ministr unutranych spraŭ Ihar Šunievič, pieradaje karespandent BiełTA.
Da chutkaj narady ŭ kiraŭnika Biełarusi ź siłavym błokam MUS rychtuje pakiet prapanoŭ. Adna ź ich — uzmacnieńnie žorstkaści adkaznaści dla tych udzielnikaŭ darožnaha ruchu, jakija naŭmysna nieadnarazova ihnarujuć PDR, parušajuć praviły dziasiatki razoŭ za hod.
«My prapanujem ŭvieści balnuju sistemu reahavańnia na parušeńni ŭ dačynieńni da takich hramadzian ź pierśpiektyvaj časovaha pazbaŭleńnia ich mahčymaści kiravać transpartnymi srodkami», — raspavioŭ Ihar Šunievič. Pavodle jaho słoŭ, takaja praktyka nie nou-chau i dazvalaje vyklučyć mahčymaści ździajśnieńnia ciažkich złačynstvaŭ na darozie. Sistema daŭno vykarystoŭvajecca ŭ mnohich krainach, i jaje ŭkaranieńnie daje stanoŭčyja vyniki.
«Balnaja sistema pracuje dastatkova prosta: za peŭnyja vidy pravaparušeńniaŭ u halinie darožnaj biaśpieki buduć naličvacca bały, i, kali hramadzianin budzie nabirać peŭnuju kolkaść bałaŭ za hetyja pravaparušeńni, jon budzie pazbaŭlacca prava na kiravańnie transpartnym srodkam na peŭny čas», — rastłumačyŭ ministr.
Pavodle infarmacyi MUS, u cełym u 2018 hodzie kolkaść avaryj źniziłasia na 2% da 3 348. Stała mienš zahinułych u ich (589 čałaviek zahinuli ŭ 2017 hodzie i 549 — u 2018 hodzie) i paranienych.
Kamientary