Ułady zmadelavali asnoŭnyja hrašova-kredytnyja pakazčyki na siarednieterminovuju pierśpiektyvu. Heta vynikaje z apublikavanaj na sajcie ŭrada finansavaj prahramy respublikanskaha biudžetu na 2019—2021 hady.
Inflacyja sioleta pavinna skłaści nie bolš za 5,3%, u 2020 hodzie — nie bolš za 5%. U 2021 hodzie čakajecca rost spažyvieckich koštaŭ u miežach 4,5%.
U kancy 2019 hoda kurs biełaruskaha rubla da dalara składzie 2,2681, u kancy 2020 hoda — 2,3262, u kancy 2021 hoda — 2,3861. Kurs biełaruskaha rubla da rasijskaha (za 100 rasijskich rubloŭ) da kanca 2019 hoda čakajecca na ŭzroŭni 3,2172. U nastupnyja dva hady — 3,2535 i 3,2686 adpaviedna.
Cana nafty marki Urals čakajecca na ŭzroŭni 60 dalaraŭ za baral u 2019 hodzie, 55 dalaraŭ — u 2020 hodzie i 50 dalaraŭ — u 2021 hodzie.
