Doŭhi čas ličyłasia, što kopij znakavaj dla chrama ikony, napisanych da źniknieńnia cudatvornaha abraza, nie zachavałasia. U kancy minułaha hoda na antykvarnym aŭkcyjonie ŭ Hiermanii źjaviłasia abjava ab prodažy, jak zapeŭnivaŭ ŭładalnik, łota — unikalnaj Kałožskaj ikony Božaj Maci, paviedamlaje grodnonews.by.
Zaviaršajecca padrychtoŭka raznoha dubovaha kivota dla viernutaj śviatyni, i paśla zakančeńnia Vialikaha postu jana zojmie svajo miesca ŭ staražytnym chramie. Užo ŭ mai pabačyć ikonu zmohuć hrodziency i hości abłasnoha centra.
Historyja abraza nieparyŭna źviazana z chramam jašče z XVII stahodździa. Pavodle niekatorych krynic, i jašče raniej — z XVI stahodździa Kałožskaja ikona Najśviaciejšaj Baharodzicy zachoŭvałasia ŭ staražytnaj Śviata-Barysa-Hlebskaj carkvie i źjaŭlałasia hałoŭnaj śviatyniaj Hrodzienskaj jeparchii. Jaje pryznavali pravasłaŭnyja i kataliki.
U 1915 hodzie padčas vajny ŭsie kaštoŭnaści kulturnyja, histaryčnyja, carkoŭnyja, archivy i śviatyni vyvozilisia ŭ evakuacyju ŭhłyb Rasii. Kałožskaja ikona, pavodle adnoj ź viersij, była vyvieziena ŭ manastyr u pryharadzie Maskvy, kali vieryć inšaj — zachoŭvałasia ŭ padvałach sabora Vasila Błažennaha na Čyrvonaj płoščy. Ikona biasśledna źnikła.
U 90-ja hady minułaha stahodździa nie tolki siłami pradstaŭnikoŭ pravasłaŭnaj carkvy, ale i hramadskimi dziejačami pravodzilisia pošuki stračanaj śviatyni.
Łukašenka niervova prakamientavaŭ vizit Cichanoŭskaj u Kijeŭ45
Kamientary