U Breście aštrafavali mužčynu, jaki prynios kvietki i foty viaźniaŭ hieta na miesca masavaha rasstrełu
Bieraściejca Vitala Kazaka aštrafavali na 20 bazavych vieličyń (510 rubloŭ) paśla akcyi, jakuju jon pravioŭ viečaram 11 sakavika kala budplacoŭki elitnaha kvartała. Uskłaŭ kvietki i prymacavaŭ tablički jon kala 7-aj viečara, a praź niekalki hadzin tam ža jaho zatrymała milicyja — jon zastaŭsia «dziažuryć» i zaśniaŭ, kali kvietki i fatahrafii pačali prybirać, paviedamlaje «Briestskaja hazieta».
Pa słovach Kazaka, jaho pryvieźli ŭ Leninski RAUS i skłali pratakoł. Pavodle jaho, Kazak «raźmiaściŭ na drevach infarmacyjnyja materyjały nierekłamnaha charaktaru» i tym samym parušyŭ praviły dobraŭparadkavańnia i ŭtrymańnia nasielenych punktaŭ (artykuł 21.14 KaAP RB). Na padstavie častki 2 hetaha artykuła jaho aštrafavali na 20 bazavych.
«Ja kateharyčna nie zhodny z pratakołam. Tak, ja raźmiaščaŭ kala płota kvietki i pamiatnyja plity z fotazdymkami, ale ničoha nie parušaŭ. Užo siońnia dobryja ludzi mnie padkazali, što raz ja nie zhodny, u RAUS nie mieli prava mianie štrafavać, jany pavinny byli adpravić materyjały ŭ sud», — raspavioŭ ranicaj 12 sakavika Kazak.
Pavodle jaho słoŭ, kvietki i łampadki jašče ŭčora ŭviečary pieranieśli da pomnika achviaram Bresckaha hieta. Dzie znachodziacca fatahrafii, jon nie viedaje.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia27
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1010
Kamientary