Infarmacyjnyja stendy na novym aŭtavakzale ŭ Breście buduć pa-biełarusku, a abjaŭlać rejsy buduć, chutčej za ŭsio, pa-rusku
Novy aŭtavakzał u Breście budzie častkova biełaruskamoŭnym ź pierakładam na anhlijskuju, paviedamlaje «Briestskaja hazieta».
«Dziela papularyzacyi movy infarmacyjnyja stendy buduć na biełaruskaj movie. Nakont astatniaha ja nie viedaju, ci hatovyja my na ekśpierymienty. Ja nie mahu z chodu abiacać vam. Usio vyrašaje UKB harvykankama», — paviedamiŭ načalnik arhanizacyi aŭtobusnych pieravozak «Brestabłaŭtatrans» Barys Kalinin na sustrečy 12 sakavika ŭ ofisie «Dziedzič». Šylda «aŭtavakzał» budzie taksama aformlena na biełaruskaj movie.
Pa słovach Kalinina, ciapier važna zapuścić novy aŭtavakzał da 1000-hodździa horada, pierajechać sa staroha, apieratyŭna dadać aktualnuju infarmacyju. Usie astatnija pytańni buduć vyrašacca bližej da kanca hoda.
Što tyčycca pytańnia ahučki, to tut stanoŭčaha rašeńnia pakul što nie pryniali. Dyrektar Bresckaha aŭtavakzała Mikałaj Radziuk ličyć, što nie ŭsie ludzi zrazumiejuć biełaruskuju ahučku rejsaŭ, u jaho praktycy ŭžo byli takija precedenty.
«Dy ŭsio prapłačana ŭžo (majecca na ŭvazie ahučka rejsaŭ — zaŭv. aŭt.). Hrošy ž biudžetnyja, na heta hrošaj dać nie mohuć, na toje taksama, ale ja ž nie adzin, mnie padtrymka patrebna. Ale možna zrabić ankietavańnie na vakzale. Kasiry buduć pradavać kvitki, a ludzi zmohuć vybrać ruskuju ci biełaruskuju movu», — prapanavaŭ Mikałaj Radziuk.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary