Paetu Słavamiru Adamoviču prysudzili 2 hady chatniaj «chimii»
Puchavicki rajonny sud pryznaŭ paeta Słavamira Adamoviča vinavatym u kradziažy majomaści i prysudziŭ jamu 2 hady chatniaj «chimii» — abmiežavańnia voli biez nakiravańnia ŭ miescy źniavoleńnia, paviedamlaje «Radyjo Svaboda».
Słavamir Adamovič paśla sudu skazaŭ karespandentu «Svabody», što nia budzie abskardžvać prysud.
Na pytańnie, jak historyja sa śledztvam i sudom za kradziež paŭpłyvała na tvorčaść, Słavamir Adamovič adkazaŭ, što z tvorčaściu ŭ jaho ŭsio cudoŭna. «Voś tolki niama dzie drukavacca», — paskardziŭsia paet.
Niekalki razoŭ načami ź listapada pa 16 śniežnia 2018 hoda Słavamir Adamovič pranikaŭ na lecišča Siarhieja Laščynskaha ŭ vioscy Cahielnia.
Za hety čas Adamovič vynies z domu i chlava Laščynskaha bolš za 30 roznych pradmietaŭ, u tym liku meblu, adzieńnie, posud, instrumenty i pryłady. Śledztva acaniła košt skradzienaha ŭ 300 rubloŭ.
Usie rečy Adamovič paśla viarnuŭ paciarpiełamu, akramia dźviuch repradukcyj karcin, jakija spaliŭ u piečy.
Słavamir Adamovič vinu całkam pryznaŭ i patłumačyŭ svoj učynak patrebaj «atrymać psychalahičnuju razradku».
Na pracesie Adamovič dvojčy prasiŭ prabačeńnia ŭ Laščynskaha, jaki ŭ vyniku nie vystaviŭ jamu pazoŭ za materyjalnyja i maralnyja straty.
Prysud ustupić u siłu praz 10 dzion. Słavamiru Adamoviču paviedamiać u milicyi, jak budzie abmiežavanaja jahonaja svaboda ŭ nastupnyja 2 hady.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ54
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary