Пухавіцкі раённы суд прызнаў паэта Славаміра Адамовіча вінаватым у крадзяжы маёмасці і прысудзіў яму 2 гады хатняй «хіміі» — абмежаваньня волі без накіраваньня ў месцы зьняволеньня, паведамляе «Радыё Свабода».
Славамір Адамовіч пасьля суду сказаў карэспандэнту «Свабоды», што ня будзе абскарджваць прысуд.
На пытаньне, як гісторыя са сьледзтвам і судом за крадзеж паўплывала на творчасьць, Славамір Адамовіч адказаў, што з творчасьцю ў яго ўсё цудоўна. «Вось толькі няма дзе друкавацца», — паскардзіўся паэт.
Некалькі разоў начамі зь лістапада па 16 сьнежня 2018 года Славамір Адамовіч пранікаў на лецішча Сяргея Ляшчынскага ў вёсцы Цагельня.
За гэты час Адамовіч вынес з дому і хлява Ляшчынскага больш за 30 розных прадметаў, у тым ліку мэблю, адзеньне, посуд, інструмэнты і прылады. Сьледзтва ацаніла кошт скрадзенага ў 300 рублёў.
Усе рэчы Адамовіч пасьля вярнуў пацярпеламу, акрамя дзьвюх рэпрадукцый карцін, якія спаліў у печы.
Славамір Адамовіч віну цалкам прызнаў і патлумачыў свой учынак патрэбай «атрымаць псыхалягічную разрадку».
На працэсе Адамовіч двойчы прасіў прабачэньня ў Ляшчынскага, які ў выніку не выставіў яму пазоў за матэрыяльныя і маральныя страты.
Прысуд уступіць у сілу праз 10 дзён. Славаміру Адамовічу паведамяць у міліцыі, як будзе абмежаваная ягоная свабода ў наступныя 2 гады.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары