Ćjery Anry zaniaŭ pieršaje miesca ŭ hałasavańni za zvańnie najlepšaha lehijaniera ŭ historyi anhlijskaj premjer-lihi, jakoje prachodziła na sajcie telekanała BBC. Były futbalist łondanskaha «Arsienała» atrymaŭ 45% hałasoŭ pa vynikach apytańnia.
Druhoje miesca ŭ hałasavańni zaniaŭ Kryšcijanu Ranałdu, jaki vystupaŭ za «Mančestar Junajted» z 2003 pa 2009 hod. Forvard atrymaŭ 14% hałasoŭ. Trecim staŭ były hulec «MIU» Eryk Kantana, jaki nabraŭ 12%.
U hałasavańni za zvańnie najlepšaha lehijaniera ŭdzielničali 13 futbalistaŭ, jakija vystupali ŭ čempijanacie Anhlii z 1992 hoda pa siońniašni dzień. U apytańni pryniali ŭdzieł bolš za 250 tys. zaŭziataraŭ.
Akramia Anry, Ranałdu i Kantana zaŭziatary mahli prahałasavać za Sierchia Ahuera, Dydje Drahba, Pietera Šmiejchiela, Viensana Kampani, Davida Silvu, Niemańja Vidziča, Patryka Vijejra, Piatra Čecha, Davida de Chiea i Japa Stama.
Anry vystupaŭ za «Arsienał» na praciahu vaśmi siezonaŭ z 1999 pa 2007 hod. U składzie kamandy jon dvojčy stanaviŭsia čempijonam Anhlii i dva razy vyjhravaŭ Kubak krainy. Usiaho na rachunku francuzskaha forvarda 228 hałoŭ za «Arsienał», što źjaŭlajecca najlepšym vynikam u historyi kłuba.
-
U Hrodnie žyvuju tranślacyju matča «Niomana» z «Raja Valjekana» pakažuć na hałoŭnaj płoščy
-
«Na movie Rasii my tut nie razmaŭlajem». Sudździa čempijanatu Ukrainy tak arhumientavała žoŭtuju kartku za niespartyŭnyja pavodziny
-
10-hadovaja brytanka stała najmałodšaj dziaŭčynkaj, jakaja pieramahła šachmatnaha hrosmajstra
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary